TheREDGUY.com

Уклучи повеќе Gmail акаунти истовремено преку Google Chrome профили

2011-02-06T14:11:00.023+01:00

Дали си од оние луѓе (како мене) што го обожаваат Google и сите мејл акаунти им се префрлени на Gmail? Дали имаш посакано да може да ти бидат отворени сите одеднаш?

До сега, ова беше возможно само со квази решенија. Или мораш да поврзеш два акаунти, или треба да користиш екстензии со сомнително потекло (а кога се работи за главни мејл акаунти, некако е шубе кога не иде директно преку Google). Едноставно, не е тоа тоа.

Решението е скриен трик кој е составен дел од самиот Google Chrome. За оние кои сеуште користат други прелистувачи, им препорачувам барем ако за ништо друго, за Gmail само да стават Chrome.

Google Chrome има една скриена опција која овозможува работење со различни профили. Нешто слично како да се имаш логирано со друго корисничко име на Windows. Убавината е во тоа што не мораш да се логираш воопшто, туку откако ќе ги наместиш, секој профил ќе ти памти различен сет на лозинки и кориснички профили.

Бидејќи Google Chrome не вклучува сопствен Profile Manager, оваа ќе треба да се направи рачно:

1. Оди во My Computer и одбери го примарниот хард-диск (обично е C:)

2. Одбери го фолдерот Users > па Твоето корисничко име > AppData > Local > Google > Chrome > User Data

3. Овде има фолдер со име Default. Направи копија од истиот тука и именувај го на пример VtorProfil или како сакаш.

4. Магијата се случува во следните два чекори. Најди го икончето преку кое го уклучуваш Google Chrome и направи уште еден Shortcut од Google Chrome на Desktop. Кликни со десен клик на него и одбери Properties.

5. Во полето Target, додај го ова после наводниците (остај и празно место):

--user-data-dir="..\User Data\VtorProfil"

6. Кликни OK и тоа е тоа.

Сега ако го уклучиш Google Chrome преку ново креираното иконче, ќе биде сосема нов Chrome кој работи независно (и истовремено) со основниот Google Chrome што го користиш. Корисничките имиња, лозинките и омилените страници што ќе ги внесеш во него, си ги памти само тој, додека на вториот можеш истовремено да се логираш со комплетно друг акаунт.

Овој процес можеш да го повториш за колку сакаш различни акаунти.

Fix за unlock на iPhoneOS 3.1.2

2009-11-05T13:05:00.019+01:00

На 3-ти Ноември, прогласен за „снежен ден“, излезе blacksn0w за baseband 05.11.07. Сите што прерано го апгрејдуваа својот iPhone на firmware 3.1.2, конечно можеа да здивнат бидејќи сега би можеле да го отклучат да работи на било која мрежа.

Сепак, како и многу алатки кои не се финална верзија, и оваа не беше без свои проблеми. Дел од нив беа нефункционален WiFi, Push и GPS, неможност за инсталирање на SBSettings преку Cydia и брзо трошење на батеријата.

По кузнае колку пати правење Restore, пробување милион различни комбинации и барање на чаре, конечно го најдов начинот кој целосно ги решава сите од горенаведените проблеми. Бидејќи овој начин на решавање е нов и непознат досега, а во исто време верувам во ширење и слобода на информацијата, сакам да го споделам со сите на кои би им користело:

1. Основно правило што важи за пред секој апдејт, направи Back-Up на сите битни податоци од iPhone. Не само преку iTunes, него и преку SSH (WinSCP). Особено на фолдерите AddressBook, SMS и Calendar кои се наоѓаат во /private/var/mobile/Library на твојот iPhone

2. Доколку ја немаш, симни ја најновата верзија на iTunes од тука, инсталирај ја, стартувај ја и поврзи го твoјот iPhone преку USB кабелот. Штом ќе го поврзеш и iTunes ќе го препознае, исклучи го (power off) додека сеуште си стои поврзан на кабелот.

3. Стави го iPhone во DFU Mode (значи не во Restore). Ова го правиш со држење стиснати на двете коппчиња Home и Power (тоа горното за заклучување и доле во средината) точно 10 секунди. Мери ги на саатот со сказалки од компјутерот ако треба. Штом изминат 10 секунди, го отпушташ Power копчето (горното) и го држиш само Home се додека iTunes не ти пише дека е пронајден iPhone во Recovery Mode.

4. Инсталирај го официјалниот Firmware 3.1.2 од Apple (можеш да го симнеш директно од тука за 3GS, од тука за 3G и тука за 2G). Ако веќе го имаш симнато, држи на SHIFT и кликни на копчето RESTORE во iTunes и одбери го фајлот.

5. Откако ќе заврши со апгрејдот, исклучи го iTunes и симни го blackra1n од тука. Вклучи го програмчето (користи Windows XP compatybility mode ако си на Windows 7) и кликни на Make it Ra1n.

6. Штом заврши ова, ќе инсталира ново иконче на твојот iPhone. Доколку имаш WiFi Интернет, препорачливо е да го уклучиш и да инсталираш Cydia преку него.

7. Извади го од USB кабелот и исклучи го (Power off) iPhone.

8. Сега треба да го ставиш iPhone во Restore Mode (не во DFU). Вклучи го iTunes и држејќи го Home копчето на iPhone (доле во средина), поврзи го USB кабелчето. Ова може да е малце незгодно, но држи го Home копчето стиснато се додека не се појави сликичката „Connect to iTunes“ на мобилниот.

9. iTunes повторно ќе јави дека наоѓа iPhone во recovery mode (но сега не е DFU). Ова е важниот чекор: Држејќи SHIFT на тастатурата, кликни на RESTORE копчето на iTunes, но овој пат одбери го custom 3.1.2 firmware за твојата верзија на iPhone кој НЕ Е АКТИВИРАН! Ако имаш пристап до iMac, можеш рачно да креираш custom firmware со Pwnage Tools 3.1.4 или можеш да симнеш некој од веќе „зготвените“. Доколку имаш iPhone 3GS, тогаш за него iPhone 3GS firmware 3.1.2 (7D11) custom restore unactivated има тука.

10. Откако ќе се инсталира овој firmware, нема потреба од повторно инсталирање на blackra1n, твојот iPhone веќе има направено Jailbreak. Сега ќе треба да се активира преку iTunes. Ова е важен чекор бидејќи овозможува правилно да функционираат Push нотификациите: најди било која SIM картица од операторот на кој е заклучен твојот iPhone (купените во Македонија мораат со T-mobile картица, а од странство со оригиналната нивна), стави ја во него и поврзи го да се активира преку iTunes. Оваа процедура е потребно да се направи само еднаш, потоа веќе не ти треба таа SIM картица.

11. На телефонот сега му е направен Jailbreak и е активиран, но сеуште не е отклучен да работи на сите оператори. Оваа го оставаме за на крај. Прво си го синхронизираш, враќаш бекап ако треба, си ги инсталираш сите програми назад и сите додатоци од Cydia што ти требаат (ако ги инсталираш SBSettings и Mobile Substrate, особено е важно да бидат ПРЕД да го отклучуваш, за да не ти прави проблеми).

12. Откако ќе инсталираш сè што ти треба, исклучи го телефонот, стави ја SIM картицата на која сакаш да го користиш и вклучи го потворно. Во Cydia, адни нов извор со тапнување доле на Manage, па на Sources, горе деснo на Edit, и на крај лево на Аdd. Додај го http://blackra1n.com и кликни Add Source. Потоа со тапнување на него, инсталирај го blacksn0w.

13. За крај, треба уште да го едитираш фајлот carrier.plist за твојот оператор. Овој се наоѓа во /System/Library/Carrier Bundles/Unknown.bundle на твојот iPhone. Доколку не сакаш да се замараш со едитирање, еве ти го мојот carrier.plist. Како додатен бонус, овој фајл активира тетеринг (сруфање од лаптоп преку интернетот од iPhone), ги прилагодува сите сетинзи за користење на EDGE интернет преку VIP (и ти дозволува преку менито рачно да ги наместиш за било кој оператор) и исто така ја брише досадната порака „Call Forwarding Active“ која се појавува секој пат кога ќе му ѕвониш на некого.

Тоа е тоа. Сега твојот iPhone е со најновиот iPhoneOS 3.1.2 firmware, со најновиот baseband 05.11.07, направен му е Jailbreak, инсталирано е Cydia, активиран е, отклучен е да работи на сите мрежи, му работат Push нотификациите, GPS, WiFi, YouTube (пошто кај америчките и тоа не им се отварало) и батеријате не се троши брзо.

Се надевам дека ќе ти заврши работа ова упатство. Во моментов, единствено оваа процедура ги решава сите проблеми со кои се среќаваат другите корисници.

Македонска Тастатура за iPhone 3.0

2009-08-13T12:39:00.013+02:00

Доколку и ти беше еден од првите нестрпливи што го надградија својот iPhone firmware на верзија 3.0 или, како мене, едвај чекаа да стигне iPhone 3GS за уште истиот ден да отидат и да се задолжат, најверојатно примети дека во менито за keyboards сега има и Macedonian како опција. Нажалост, кога ќе ја активираш, ќе видиш дека од тастатурата е имплементирано само името, додека сè друго си останува на latinica.

Брањето на Интернет за Macedonian Keyboard for iPhoneOS 3.0 или iPhone 3GS дава резултати само за дискусии на форуми за бугарската и српската тастатура што го имаат истиот проблем: иако ги покажува, исто така не се имплементирани. Ова е најверојатно е некој пропуст на Apple.

За да се искомплицираат работите, поради новиот iPhone OS 3.0, не работеа ни старите трикови за додавање на тастатури, барем не до денеска, што го направи речиси невозможно пишувањето на кирилица, освен ако не се помириш со пишување користејќи руски букви. Но конечно од денеска, има решение:

Процедурата e малку комплицирана и бара веќе да е направено Jailbreak на телефонот и да е инсталирата Cydia и OpenSSH. Функционира на сите iPhone со 3.0 firmware, вклучувајќи го и iPhone 3G и iPhone 3GS.

1. Вклучи ја Cydia, одбери Search, пиши iKeyEx и инсталирај го (најголемиот проблем го прави тоа што на Cydia ја нема најновата верзија на iKeyEx. Ако во иднина се појави, може да се прескокe директно на чекор 7).

2. Симни ја најновата верзија на iKeyEx од http://code.google.com/p/networkpx/downloads/list или од ТУКА

3. Доколку го немаш, симни го WinSCP за да можеш да качуваш фајлови од твојот компјутер на iPhone. Достапен е бесплатно од http://winscp.net/eng/download.php или од ОВДЕ

4. Логирај се преку WinSCP на твојот iPhone и качи го фајлот hk.kennytm.iKeyEx3-0.1-99c.deb во било кој директориум (само запамти го за после, пример /etc). Качувањето го правиш едноставо со влечење.

5. Откако ќе го качиш, отвори го Terminal (може со CTRL+T).

6. Осигурај се дека си во истиот директориум каде што го качи фајлот и напиши dpkg -i hk.kennytm.iKeyEx3-0.1-99c.deb. Ова ќе ја инсталира најновата верзија на iKeyEx. Ако некогаш ти притреба да ја избришеш, тоа можеш да го направиш најлесно преку Cydia со Search на iKeyEx и кликнување на Remove (или покомлицирано, преку Terminal со впишување на dpkg -r hk.kennytm.iKeyEx ).

7. Симни ја Македонската тастатура верзија 2.0 од iPhoneMK блогот или од ТУКА. Голема благодарност до човекот од iPhone MK блогот кој ја создаде првата Македонска тастатура за iPhone и без кој ова не би било возможно.

8. Отпакувај го ZIP фајлот и качи го фолдерот со сите фајлови преку WinSCP во директориумот /Library/iKeyEx/Keyboards

9. Рестартирај го iPhone (hard reset, со држење на Sleep/Lock копчето горе и си повлекување на слајдерот за shutdown кога ќе се појави).

10. Откако ќе го вклучиш повторно, оди во Settings и подоле во iKeyEx (ново мени кое сега би тербало да се појавува).

11. Одбери Mix and Match и кликни на Create.

12. Под layout одбери „Македонска“, под input manager одбери Macedonian, а за name можеш да ставиш што сакаш.

13. Врати се назад во iKeyEx менито и од Keyboards додади ја ново креираната Македонска тастатура (под името кое го одбра претходно).

Сега кога ќе пишуваш во било која апликација, со тапнување на копчето во форма на глобус, лево од space bar, тастатурата се менува од латиница во Македонска кирилица.

Уживај во пишување на кирилица.

Анти-спортисти на Македонија

2009-04-02T14:21:00.011+02:00

Ќеиф ми е да претставам едни дечки што се трудат да ги покажат работите на поинаков начин и да инјектираат комедија во секојдневните нешта. Се викаат АСМ (Анти-спортисти на Македонија) и ни доаѓаат од Тетово.

Еве еден од нивните скечеви што мене ми беше најинтересен, а сите досега снимени им се достапни на нивниот сајт www.antismk.com. Прочитав некаде дека и К-15 барале наследници и дека и они ќе организирале аудиција од типот на IDOL клоновите што се појавуваат насекаде во последно време, па можеби нема да биде лошо да се пријавите.

I kissed a girl and I liked it!

2008-09-07T16:04:00.005+02:00

Нешто да те занимава во меѓувреме... Песна која ми се врти во памет деновиве и која упорно чекав да се „пушти“ некаде, наместо да седнам на танане и сам да си ја најдам. Ќе ти кажам каде да ја најдеш и ти, за да не се малтретираш.

Можеби е последица на константниот power-play на денот (читај „стаена на рипит“ кај мене), но песната стварно е префектно изведена, текстот иако изгледа лесен, одлично е склопен:

This was never the way I planned
Not my intention
I got so brave, drink in hand
Lost my discretion
It's not what I'm used to
Just wanna try you on
I'm curious for you
Caught my attention

I kissed a girl and I liked it
The taste of her cherry chapstick
I kissed a girl just to try it
I hope my boyfriend don't mind it
It felt so wrong
It felt so right
Don't mean I'm in love tonight
I kissed a girl and I liked it
I liked it

No, I don't even know your name
It doesn't matter
Your my experimental game
Just human nature
It's not what good girls do
Not how they should behave
My head gets so confused
Hard to obey

I kissed a girl and I liked it
The taste of her cherry chapstick
I kissed a girl just to try it
I hope my boyfriend don't mind it
It felt so wrong
It felt so right
Don't mean I'm in love tonight
I kissed a girl and I liked it
I liked it

Us girls we are so magical
Soft skin, red lips, so kissable
Hard to resist, so touchable
Too good to deny it
Ain't no big deal, it's innocent

I kissed a girl and I liked it
The taste of her cherry chapstick
I kissed a girl just to try it
I hope my boyfriend don't mind it
It felt so wrong
It felt so right
Don't mean I'm in love tonight
I kissed a girl and I liked it
I liked it

спотот, исто комплиментарен на дејствието, само додава шлаг на тортата:

а музиката едноставно допринесува пораката да биде испорачана. Доволно работи вклопени во едно за ова (I kissed a girl and I liked it) да стане нов тренд ^^.

Во секој случај, еве сега ја имаш и ти, а како бонус, следува и една од пародиите на песната:

Нарачај си маче преку интернет

2008-04-27T17:09:00.002+02:00

Бидејќи нарачувањето преку интеренет ми стана една од најинтересните теми, а во исто време ми се омачија и мачките (незнам само како истемпираа така заедно), решив да ги комбинирам овие две работи со цел на новите мачиња да им најдам место кое ќе можат да го наречат дома.

Доколку посакуваш да чуваш маче, ова е за тебе. Преку овој блог имаш шанса да си нарачаш и добиеш маче, бесплатно. А затоа што не ги обожавам многу (*)ѕвездичките кои кои ги ставаат после понудата од типот на „Цените се без вклучен ДДВ“, „Available to US residents only“, „Само со договор на 2 години робство“, мојата ѕвездичка е „ќе се обидам и бепсплатно да го испорачам мачето било каде во Скопје“!

Еве ги и кандидатите кои се натпреваруваат за да ја добијат најпрестижната награда - живот со тебе. Мачињата се стари околу 5-6 недели, во зависност од која мачка се (на оваа слика е прикажана само едата мамица), а во генот им е долго ангорско влакно и плави очи (мачето прикажано на првата слика им паѓа уствари нешто као тетка).

Ако веќе се одлучи дека сакаш некое од овие мачиња, нарачката можеш да ја направиш преку ОВАА СТРАНА било преку маил или Skype, каде што ќе се договориме и за начинот на испораката.

Знам дека нема потреба да те убедувам за позитивните страни на чувањето маче и потсетувам на обврските кои идат со нив, али ете чисто ради да се најдеме во муабет (а и за да не добивам после „честитки“ од твојот адвокат) ќе ти кажам некои работи пред да нарачаш.

Најпрво, осигурај се дека имаш доволно љубов, време и воља да чуваш маче. Доколку не планираш да го чуваш и да се грижиш за него, воопшто не го нарачувај! Несакам мачињата да завршат на улица или кај некој што ќе ги малтретира.

Другата битна работа е здравјето, хигиената и исхраната на мачето. Мајките на мачињата се третирани против буви, паразити и габички (ringworm), но малите мачиња ќе мора да се пазат додека не се вакцинираат, поготово ако излагаат надвор и имаат контакт со други мачки. Препорачлива е (најчесто бесплатна) посета на ветеринар уште на самиот почеток заради проверка и советување во врска со овие работи.

Доколку се согласуваш со горе-наведеното, нашите оператори (јас) го очекуваат твојот повик. Бројот на мачиња е ограничен и понудата важи само додека траат залихите. Нарачај веднаш! (неможев да оддолеам, ова со ограничените количини и „нарачајте веднаш!!! или ќе видиш ти...“ ми е најблесавиот дел од рекламите).

И за крај, еве ги сите мачиња како си спијат на купче заедно со се мајките. Можеш ли да избрoиш колку ги има на сликата?

I Guess You'll Do

2008-03-26T12:36:00.001+01:00

Еве едно комично клипче што ме заинтригира кога го гледав. Малце изгледа чудно на прв поглед, но целта не е да те депримира, него да ти овозможи да ги видиш работите од поинаква перспектива. Ќе видиш за што праам муабет кога ќе го изгледаш...

Колку те ограничиле тебе?

2008-03-17T02:44:00.004+01:00

Има едно програмче кое го користам последниве две години за проверка на ограничувањето на брзината на кабловскиот модем и со оглед на моменталната ситуација со спориот интернет, ќе го споделам со тебе ако ти врши нешто работа.

Разговарав пред некој ден со еден другар кој е на интернет преку КејблТел (CableTel) и паднавме на мубает за брзината на конекцијата кај нив. Имено, таму после 6 гигабајти нема ограничување на 2 или 1 мегабит, него цело време модемот си останува конфигуриран на 4 мегабита (барем до 100 гига).

Сепак, вистинстака брзина и таму е далку од 4 мегабита (поготово преку ден), но барем не ти го ограничуваат самиот модем, така да имаш некакви теоретски шанси да ја постигнеш максималната брзина за која плаќаш.

Што улога игра ограничувањето на модемот? Кабелската технологија е дизајнирана така што ограничувањто на брзината на корисникот се врши во самиот негов модем со качување на конфигурациски фајл, за разлика од АДСЛ технологијата со која ограничувањето се врши на страната на операторот.

Фактички ограничувањето ти стои кај тебе во модемот. Тука влегува во игра програмчето кое ти овозможува во секој момент да ја провериш брзината на која те ограничиле, моменталната јачина на сигналот преку кабелот и некои други погодности кои ги овозможува кабелската технологија.

Програмчето се вика DocsDiag и е направено во Java од Robin Walker. Дизајнирано е као демек за напредни корисници и има милијарда опции во него, но направив мали измени за да биде што е можно поедноставно и попрактично, така да сега се сведува на „кликнеш двапати и ти покажуе све што ти треба“.

Самото програмче е големо 75 килобајти и можеш да го симнеш од ТУКА, но ќе треба да имаш веќе инсталирано Java Runtime за да можеш да го пуштиш. Доколку сеуште немаш Java, можеш да ја симнеш бесплатно од ОВДЕ. Ќе ти треба и за други работи.

Програмата нема потреба од инсталација и едноставно го отпакуваш zip фајлот кај сакаш. Од трите икончиња што ќе ти се појават после, со кликнување на „Brzina“ го добиваш ова:

кликни на сликата за поголема верзија

Деталниот преглед ти покажува:

Марката на модемот и верзијата на софтверот

Колку време модемот е уклучен

Фрекфенцијата и каналот за симнување

Јачината на дојдовниот сигнал (оптимално е помеѓу -8 и +8 dBmV)

Фрекфенцијата и каналот за качување

Ограничувањето на upload-от (јас сум на минимални 128к)

Ограничувањето на download-от (намалено на 1024k)

Односот на сигналот спрема шумот (оптимално е над 30 dB)

Jачината на појдовниот сигнал (оптимално е под 55 dBmV )

Името на конфигурацискиот фајл (ова ти треба само ако сакаш да го хакнеш модемот, што јас не би ти препорачал)

Освен тоа што со програмчево можеш да видиш на колку те скинал твојот кабелски оператор, можеш и да ја провериш јачината на сигналот доколку мислиш дека до тоа е проблемот. Ако сигналот се држи во оптималните граници наведени погоре, ондак немаш гајле. Во спротивно, доаѓа до губење на пакетите и нестабилна конекција.

Со кликнување на второто иконче со име „Guzva“, го добиваш ова:

кликни на сликата за поголема верзија

Овде ги прикажува модемите кои се уклучени моментално на истиот нод како и ти. Кабелскиот систем е поделен на нодови и обично цела населба е уклучена на еден нод. Така да сега ти всушност ги гледаш комшиите.

Добрата работа во ова е што можеш да видиш во кој период од денот колку корисници има. Исто така, можеш да видиш кои канали се послободни и ако сакаш да се префрлиш на друг канал. Префрлувањето се прави со сетирање на твојот модем преку http://192.168.100.1 и одбирање на каналот и фрекфенцијата на која сакаш да се префрлиш. После ова, ги сејвнуваш сетизните и го рестартираш модемот.

Макар да не очекувај драстична разлика во брзината. Промена на фрекфенцијата може да ти помогне евентуално ако имаш проблеми со конекцијата (слаб сигнал), а брзината и закрчувањето останува до самите кабелски оператори да си го решат.

Стресот и спориот интернет

2008-03-08T23:33:00.002+01:00

Обично не сум човек што лесно може да се изнервира и се трудам најпрво логично да гледам на работите пред да избувнам. Сепак, нешто што може ненормално да ме извади од такт е спор интернет полн со прекини, поготово додека работам нешто или плешам некоја игра.

Верувам дека стално постои нешто што се истакнува од другите, нешто што нуди повеќе, нешто што го барам долго време и кога ќе го најдам, се одучувам за тоа и не му ја мислам веќе:

За најдобра компанија во свет ја сметам: Google

За најдобар интернет прелистувач: Opera

За најдобри во однос цена/перформанси: AMD

За најдобра продавница за hardware кај нас: Anhoch

За најдобра банка кај нас: NLB Тутунска (макар да и Уни Банка е блиску)

За најдобар интернет провајдер кај нас: Телекабел

Можеби ова и не е најдобар концепт, пошто работите изгледа понекогаш се менуваат... За интернет, последниве две години сум на Телекабел и бев хард-кор подржувач на нивните услуги. Они беа пионери во разбивање на интернет монополот на Телеком и покажаа дека може да се има неограничен широко-појасен интернет за цени кои нема да те натераат да преживуваш на јуфки цел месец (на времето бев на АДСЛ и плаќав 3600 денари месечно за мизерни 384к додека не ги ограничија и тие).

Сепак, жал ми е што гледам дека и Телекабел веќе почнуваат да забегуваат. Бапнаа ненормален број на корисници, без да ги зголемат линковите и сеуште се носат на истите свичови и сервери.

Секој што бил на интернет помеѓу 8 и 12 саат навечер, поготово преку викенди, знае дека тоа што го дочекува е далеку од брз интернет, а некад е и непостоечи. Едвај се пушта MSN и Skype и на среќа ако се отвори по некоја страничка од трети пут.

Откако ја преместија централата со опремата, луѓето од техничка подршка (2446-288, да и овој број веќе го знам на памет) се апсолутно беспомошни и мислам дека единствена функција им е да го ублажуваат гневот од корисниците како First Line of Defense и да запишуваат евентуално кај да испратат екипа.

Можеби веќе знаеш дека Интернет сервис провајдерите работат на принцип на препродавање еден линк на повеќе корисници. Пример, на еден линк од 8 мегабита се ставаат 20 корисници со „ветено“ брзина од по 4 мегабита (однос 1:10)

Тоа значи дека во даден момент, само двајца корисници може да бидат онлајн и да добиваат максимална брзина. Доколку се уклучат повеќе, брзината ќе се подели меѓу нив.

Ова е нормална пракса низ цел свет пошто се очекува дека нема сите корисници да бидат онлајн во исто време или да цицаат до максимум брзина (макар да ова донекаде ја побива сврхата на Always-Online рекламите). Нормални односи се кога се дели на 1:20 или 1:50.

Проблемите се јавуваат кога веќе ќе се премине оваа бројка и надминува и 1:100. Згора на тоа и рутерите не се доволно јаки за оптимално да ја распоредат постоечката брзина.

Очигледното решение за ова би било набавување поголем линк (и помоќни рутери), што незнам дали Телекабел би го направил во скоро време. Алтернативно решение може да е овој едноставен предлог план за подобар интернет, што е еден вид поклон од мене за Телекабел (и за корисниците):

Сега модемот од Телекабел е ограничен на 4092/512 (едното е брзина на симнување, другото на качување)од почеток на месецот. Откатко ќе се поминат 6 гигабајти, модемот се ограничува на 2048/512, а после 10 гигабајти на 1024/256. Незнам дали ова е случај кај сите, али мене ме ограничуваат и дополнително после 20 гига на 1024/128.

Реалноста е дека оваа брзина е „само на хартија“ и едвај се постигнува и таа од 1024, освен накај 3-4 саат сабајле кога нема толку корисници.

Поентата е во употребување на варијабилна максимална брзина во однос на оптеретеноста во текот на денот. Мојот предлог е ограничувањето да не е фиксирано според надминатите гигабајти, него според периодот од денот. На пример, по надминувањето на првите 6 гигабајти, брзината во текот на денот се намалува на 512/512 или дури и на 256/512 ако треба помеѓу 8 и 12 саат навечер.

Кога ќе се растерети линкот, пример помеѓу 01 и 08 саат сабајле, брзината се ограничува на 4092/512 или нагоре. Ова ќе ги помести „тешките корисници“ како мене да симнуваат и качуваат кога нема да има гужва и ќе овозможи побрзо да завршат пред да почне наредниот ден.

Брзината на качување во никој случај не треба да се намалува пошто таа всушност помага во растеретување на линкот и е „бесплатна“. Ова можда изгледа нелогично на прв поглед, но со оглед на тоа дека најголемиот сообраќај е Peer-to-Peer, брзината на upload ќе го унапреди локалниот сообраќај, ефективно ослободувајќи го надворешниот линк.

Со комбинација на овие фактори се отстранува „закрчувањето на сообраќајот“ што се јавува преку ден, а има шанси дури и денски да се постигне максималната брзина.

Што се однесува до легалниот дел, овој „предлог план за подобар интернет“ може да се користи слободно од било кој интернет сервис провајдер без да плаќа надоместок на авторот (макар да не би било толку лошо доколку веќе се користи, да биде посочено од каде е превземен).

Forex: Стигнаа парите од берзата

2008-03-01T19:42:00.002+01:00

Доколку сеуште го немаш прочитано претходниот пост Forex: Повлекување на профитот, прочитај го сега за да бидеш во тек за што се работи.

Откако ги испратив сите потребни документи, требаше да чекам да се се процесира барањето за повлекување и да бидам исвестен за трансакцијата.

Процедурата за процесирање вика дека трае 3-5 дена во кој рок можеш во секој момент да ја откажеш. После процедурата, очекував дека ќе треба да ми стигне чек кој ќе треба да го чекам 2-4 недели.

Во неделата ми стигна маил од Татјана (која наводно им е шеф на сметковдство) и ме извести дека трансакцијата е процесирана и дека ќе ми ги уплатат средствата директно на кредитната картица?!

Прво пријатно ме изненади што во недела ми стигна и стварно беа 3-5 дена (а не 3-5 работни дена), а второ што веднаш ќе ги добијам средствата и немора да чекам чек. Незнаев само како Тутунска банка ќе го изведат ова и колку време ќе им треба. Следната среда, дознав...

Таман бев спремен да ги контактирам да видам дали ги префрлиле средствата, викам ај прво ќе си ја проверам сметката преку интернет. Знам дека имав 200 денари, така да ако стигнале, би требало да имам 1800.

Идам на страната, си пишуем јузер и пасс, кликам на Visa Electron и глеам 1400 денари у минус??? Ај што незнам од кај овие 1400, него како може да се иде у минус на дебитна картица?!

Кликам на аналитика да видам за подетално што е работава и коа глеам, наместо тие 1600 да ми ги стават како плус, они ми ги опнале како минус. Генијално!

Вртам на бројот за корисничка подршка на Тутунска: 3219-517 кој веќе го знам на памет и у сон да ме прашаш. Од прв пат ѕвонење до крај, не се јави никој. Ѕвонам втор пат и ми се јавува еден дечко.

Му објаснувам дека ми уплатија на картица, но дека наместо како уплата, они ми го книжеле како исплата. Процедурално ме прашува за име, презиме и бројот на кредитната (почнав више и по телефони да го давам... наредно се спремам памфлети да штампам и да ги делам по улица).

Гледа таму на сметката и по едно време ми вика „Дечко, како ти уплатиле на картица... па нели неможе да се уплаќа???“. И сеа... што да објаснувам више?! После ми вика, можно е ти да си уплатил па сега да ти ги враќаат парите.

Ај добро, нема везе. Што имам да се расправам дали они го рачунаат како уплата или враќање, кога тоа не ми е ни битно. Битното е дека што и да е, мене ми е книжено како минус, а треба да биде плус.

Како шлагче за на крај, ми вика дека неможе ништо да направи од таму, дека треба да одам на шалтер во банка и да побарам детален извештај за да видам зашто ми се рачунати како минус.

Имам ја прилично добра идеја ЗАШТО ми се рачунати као минус ахм*некомпетентност*ахм (ова „ахм“ би требало да биде као уз кашлање), али ај.... глеам дека ова е мртов сокак и барам друго решение.

Пошто досегашното искуство ме научи дека со одењето во банка и вадењето детален извештај само би се одолговлечил процесот, решив да се јавам во дирекцијата за да ја добијам службата за оспорување на трансакции (која е надлежна и за ослободување на резервирани средства).

На дечкото што одговори му објаснив детално што е работава, одма ме разбра и рече дека ќе заврши работа. Пошто системот им бил паднат во моментот, а ова воопшто не е реткост (изглеа серверот кај нив има гаранција од 99% downtime наместо uptime), дечкото беше доволно љубезен рачно да ги проверува логовите.

Чоеков стварно си ја знаеше работата и ми кажа дека најкасно до утре ќе ми бидат префрлени правилно средствата. Греота е само што го оставаат да работи во такви услови.

Истата вечер се логирам да ја проверам сметката и глеам... 1800 во плус! Добро е, конечно изгледа како што треба. Незнам дали е до некомпетентност, кривица на софтверот (што пак би спаѓало во некомпетентност на луѓето што го праеле софтверот), паѓање на серверот, мискомуникација или сплет на повеќе околности, но добро е што има луѓе кои си ја вршат работата како што треба и успеваат да ги исправат грешките дури и на претходниве.

Во секој случај, стигнаа парите! Иако ова изгледаше како да им било првпат во историјата на банката да прават ваква трансакција, мислам дека веќе се научија и дека кога ти ќе ги повлекуваш твоите пари, нема да имаш вакви проблеми.

Forex: Повлекување на профитот

2008-02-23T15:06:00.003+01:00

Ова е продолжение од претходниот пост Forex - Берза на девизи, ако сеуште го немаш прочитано.

Како и обично, по принцип не препорачувам нешто доколклу и самиот не сум го испробал, па така и сега. Откако направив профит на берзата, време е да ја тестирам последната стапка - повлекување на средствата од сметката. Најсигурно е само кога ќе ги видам парите во мои раце.

Откако почнав да тргувам на берзата и бев уверен дека ги знам основите работи, се решив да тргувам и со мои вистински пари. Исто така имав и двапати по 35 долари бонус поради тоа што два месеци по ред бев меѓу првите 90 трејдери и уште дополнителен бонус од 25 долари пошто користев промотивен код кога ги уплаќав парите.

Нешто со што највеќе тргував после новогодишните празници и на што имав најголем профит беше CHF/USD (Швајцарски Франк против Американски долар). Овде заработував константно се дур не дојде еден ден - црниот петок. Тој ден нагло почна да рaсте доларот и пошто цело време флуктуираше, залудно се надевав дека ќе падне се до затворањето на берзата. Тогаш изгубив некаде 110 долари вистински пари (од кои мои беа некаде 2000 денари, другото беа бонуси и профит од претходно).

Тоа ми беше потсетувње дека ако сакам да се занимавам сериозно со ова, да почнам да ги следам поинтензивно и другите валути. За околу две недели ги повратив изгубените средства и стигнав до бројката од 350 долари вкупен профит.

Сега дојде до најбитниот момент - како да си ја земам заработувачката. Контактирав со нивната техничка подршка (имаат 24 часовен онлајн chat во живо) и ми кажаа дека ради законот против перење на пари, првиот пат кога повлекувам од сметка, мора да им испратам копија од лична идентификација, копија од кредитната картичка со која имам уплатено и последна платена сметка за комуналии.

Овде ме мавна флеш од порано кога сакав да ги нарачам процесорите од една фирма и ми бараа вакви податоци, но разликата таму беше што немаше никој да зборува во живо со тебе во самиот момент додека ги праќаш податоците.

Пошто бев скептичен за праќање на сите мои лични податоци преку обичен е-маил, решив малце да истражувам во врска со тоа. После многу барање, најдов нешто што на крај ја помести скалата и ме убеди во праќањето преку е-маил. (Целиот текст го има ТУКА)

Еве како идеше деталната процедура. Прво влегувам на мојата сметка и ја одбирам сумата која сакам да ја повлечам. Минимумот е 20 долари, а јас одбрав 40 долари за пробно. Има три начина за повлекување: PayPal (ова уопште не го ни рачунам), WireTransfer (овде ти наплаќаат 25 долари провизија за ништо) и Bank Draft (опцијата која ја одбрав јас и е бесплатна).

После ова, пополнуваш еден формулар кој треба да го испринташ и скенираш за да им го пратиш преку маил (или некоја финта со print to pdf за да немора да го скенираш, али јас го одбрав старомодниот начин).

За лична идентификација, одбрав да го скенирам пасошот. Овде освен тоа што има све напишано и на англиски, ми го нема бројот од личната карта, што е еден податок помалку за преку маил. Уште нешто што направив е откако го скенирав, ги затемнив последните 5 бројки од мојот матичен број. Друго све си остана видливо заедно со сликата на која сум испаднат као Че Гевара у млаџи дани.

Второто нешто што требаше да го скенирам беше кредитната картица со која ја имам направено уплатата. Оваа ми е Visa Electron од NLB Тутунска. Направив црно-бел скен од двете страни на картицата. Од предната страна, ги затемнив сите бројчиња од кредитната освен првиот и последните 6 (вака е по прописи). Името и валидноста ги оставив да се читаат, а за бројот на сметката направив исто како и претходно (го оставив првиот и последните 6 бројки). Од задната страна на картицата го затемнив целосно потписот како и CVC кодот. Нема баш друго нешто што остана за затемнување на задната страна.

Последното нешто што требаше да го пратам беше последна платена комунална сметка. Од кај да им најдам сеа комунални сметки? Таа за струја и за вода не се водат на мое име, а за телефон не ни сакам да помислувам. Глеам на масата и го приметувам извештајот за кредитната картица кој стои на исто место уште од кога е стигнат по пошта... на мое име е, платено е веќе (макар да нигде не го пишува тоа) - ај ќе пробам.

Идам пак на онлајн чет, ја прашувам типката дали може да пратам сметка од кредитна, вика нема проблем. Профи! Зиам ја скенирам, овде слободно си шарам и си затемнуем што ми текне, пошто нема некои пропишани правила и сега ја имам целата потребна документација.

Последната „заштита“ која ја направив е што апликацијата заедно со скенот од пасошот ги пратив во еден маил, а скенот од кредитната и извештајот во засебен, втор маил. Наводно ова би требало во случај ако некој го пресретне едното, да ги нема сите податоци пошто вториот маил најчесто патува по сосема друга траса.

Тоа беше тоа. Сеа остануе да чекам и да видам дали ќе се појават 20.000 илегални имигранти кои го носат мојот пасош, уплатено прва рата за Ферари од мојата кредитна или пак ќе ми стигнат парите кои сум ги заработил.

Продолжува...ТУКА

Forex - Берза на девизи

2008-02-06T03:13:00.002+01:00

Денеска ќе споделам нешто со тебе со што се занимавав изминативе неколку недели. Станува збор за тргување на светската девизна берза - Forex (Foreign Exchange), кој е најголемиот финанскиски пазар на светот со дневен обрт од $3.2 трилијарди долари. Да, трилијарда е вистински израз и значи милион милиони, а бројката изгледа вака $3,200,000,000,000.

Епа, како функционира берзата и како се заработува на нејзе? Слично како на берзата со тргување на акции, овде се купуваат и продаваат девизи. На пример, ако мислам дека Јапонскиот јен ќе порасне во однос на Американскиот долар, тогаш сега ќе купам јени за подоцна да ги сменам за долари. Разликата за која ќе порасне јенот е автоматски мојот профит.

Интересното кај оваа берза е што работи 24 часа на ден, од понеделник до петок, а валутите константно варираат (некогаш и повеќе пати во минута) што значи дека можеш да тргуваш во секое време кога ќе посакаш.

Програмата која јас ја користам за тргување преку интернет ги елиминира потребите од јавување по телефони и брокери и овозможува на лесен и интуитивен начин да се биде во тек со настаните.

Иначе програмата се вика eToro и може да се симне бесплатно од ТУКА. Користењето на системот е исто така бесплатно, а не те обврзува ни да тргуваш со вистински пари. Штом креираш акаунт, добиваш $2000 долари за почеток за вежбање. Сега иде занимливиот дел: ако со парите за вежбање постигнеш добар профит, на крајот на месецот ти исплаќаат вистински пари во зависност од тоа колкав профит имаш заработено! Ако се случи да ги изгубиш сите, тогаш никому ништо.

За да почнеш со тргување, ја одбираш валутата која сакаш да ја купиш (таа што мислиш дека ќе расне), потоа ја одбираш валутата која сакаш да ја продадеш (таа што мислиш дека ќе паѓа во однос на првата) и на крај ја одбираш сумата која сакаш да ја вложиш.

Пред да ја направиш трансакцијата, одбираш дали сакаш да те кредитираат х100, х200 или х400. Ова во превод значи дека ако вложиш 100 долари и одбереш кредитирање х100, добиваш профит како да си вложил 10.000 долари. Доколку се случи да изгубиш, тогаш ги губиш само 100те долари, значи неможеш да изгубиш повеќе од тоа што го имаш вложено.

Втора работа која треба да ја знаеш е Spread Margin или разликата помеѓу куповниот и продажниот курс. Сигурно имаш приметено дека доларот има купувен курс (на пример 41.6 денари за еден долар) и продажен курс (41.8 денари). Значи ако купиш долари и ги продадеш во истиот момент, ќе имаш загуба од 0.2 денари без разлика што нема вистинска промена во курсот. Затоа секогаш вкалкулирај ја и оваа маржа во твојот профит.

Можеби вака на прв поглед кога ги читаш овие работи, ти изгледаат комплицирано. Сепак, штом почнеш со користење, ќе видиш дека е многу едноставно, а плус имаш и $2000 долари за вежбање.

Пази се само да не забегаш многу, пошто ова е ептен заразна работа! Има моменти кога си во „жижата“ и кога гледаш како ти расне/паѓа валутата што ја имаш купено, мава адреналин ко да си се пуштил од Водно со точак надоле. Така да, за да не бидам после ја крив, ова е на твоја одговорност.

Продолжува...ТУКА

6 SIM картици во една

2008-01-30T02:46:00.001+01:00

Во контекст на претходниот пост за 2 SIM картички во 1 мобилен телефон, сега идеме на следното ниво: 6 SIM картички во една „магична“ картица!

Сеуште под импресии од минатата 2 во 1 картица, ја нарачав и оваа од истото место како и претходно. Позитивната работа беше што овој пат стигна за две недели, наместо за месец дена колку што траеше испораката за претходната. Али изгледа тука завршуваат позитивностите за оваа картица.

Кога го отворив пакетот, ме „поздрави“ едно кученце преку проѕирна пластична опаковка. Еве како изгледа пакувањето на картицата, заедно со кучето:

Со овој комплет наводно можеш да земеш било која SIM картица (или 6) и да си напраиш Copy & Paste од оргиналната. Сите потребни компоненти се во пакетот кој содржи една „магична“ 6 во 1 сим картица со 2 кученца (битен детаљ), еден USB reader/writer за да можеш да праиш Copy & Paste од оргиналнite SIM картици и мини инсталационо CD на кое се наоѓа убаво објаснето детално и читко упатство (на кинески) и целокупниот софтвер потребен за процедурата заедно со се драјверите:

Кликни на сликите за поголема верзија

Ги инсталирав драјверите од ЦД-до и го поврзувам USB СИМ читачот/пишувачот. Ја ставам картичката во читачот, но не ја препознава. Инструкции како се става картицата нема! За одоздола - ај знаеш дека иде златниот дел, но кој е напред, а кој назад треба да нагаѓаш. После повеќе обиди ја најдов вистинската комбинација и отркив плус дека треба прво да ја ставиш СИМ картицата во читачот, па после да го опнеш на USB.

Иначе процесот на копирање се одвива вака: Прво треба да ги најдеш IMEI и KI бројот на оргиналтата сим картица. Целиов проблем го праи второво, кое всушност е енкриптирано и мора да се пробие со brute force или у превод нагаѓање бројчиња. После тоа ги копираш тие броеви на магичната картица и ја ставаш у телефон.

Во спецификациите беше нагласено дека може да се копираат само COMP128 v1 SIM картици. COMP128 v2 и v3 картици НЕМОЖЕ ДА КОПИРА. Пошто појма немав кои се кои, најдов некакво објаснување како да откриеш дали се работи за понова SIM картица:

Ако SIM картицата е издадена после 2002 година, најверојатно е COMP128 v2 или v3

Ако има повеќе од 250 места меморија за запишување на броеви

Ако при читање, KI бројот е 00 00 00

Наводно, доколку пробаш да копираш COMP128 v2 картица, има шанси да ја блокира. Откако видов за ова, ја извадив новата сим картица и почнав да барам друга. Најдов една картица од првите на која сеуште пишуваше МОБИМАК и стоеше 6622 како телефон за корисничка подршка. Проблемот со неја беше што како и да ја ставев, едноставно не ја читаше картицата.

ОК, тоа е тоа. Решив да ризикувам и да пробам со мојата, покрај тоа што има шанси да се блокира. Го уклучив софтверот за читање и ја пуштив да иде. KI бројот би требало да се најде во рок од 15 до 90 минути, така да го остаив да цепа. Некои картици имаат лимит од 65536 пробувања за наоѓање на KI бројот после кои се блокира картицата, така да кај мене го стаив ако стигне до 64000 и не го најде, да прекине.

63999 пробувања покасно и не беше најден KI бројот, така да софтверот автоматски го прекина пребарувањето. Нејќев повеќе да рискирам и почнав да барам на итнернет подобро решение. Најдов една руска страна, www.kiscan.net на која има едно програмче SMART SCAN со кое полесно можело да се наоѓаат клучевите.

Го симињам програмчето, се уклучува најнормално, почињам да ја скенирам картицата и коа глеам нешто ми се отвара START менито од Windows-от?! Хммм... после глеам нешто прозорчиња се отвараат и се минимизираат сами. Ми светна што е работава и CTRL+ALT+DEL. Тоа да ти било некој вирус/spyware што не го откри нити NOD32 нити ZoneAlarm.

Ова ретко ми се дешава. Згора на тоа, првпат да видам вирус да ми ги зарази и Windows XP, и неговата 64-битна верзија и Vista-та во исто време иако беа инсталирани на различни партиции! Вирусов ги заменува фајловите REGEDIT, CALC, некои најупотребувани dll фајлови (twain, ole) и се инсталира и како сервис (Isass.exe) и како font, така да се осигурува дека неможеш да го избришеш. Следуваат два макотрпни дена реинсталирање дур вратам све барем да наликува како што беше...

Тука негде завршува и експериментирањето со SIM картиците, барем додека не се појават некакви новости или пак доколку ти сакаш да споделиш некакви искуства во врска со ова.

За крај, нешто позитивно што произлезе од картицава е оваа „уметничка слика“ која испадна додека го сликав мини цд-то што дојде со нејзе. Ова е оргиналната фотографија без никакви измени или „шминкања“.

The Sword of Alexander (Taitei no ken)

2008-01-22T23:42:00.001+01:00

Две SIM картички во било кој мобилен телефон

2008-01-14T17:06:00.001+01:00

Дали и ти си од оние луѓе кои имаат два броја, па мора или да шеташ со два мобилни или цело време да ја менуваш SIM картицата? Досега единствено решение за ова беше да зеам телефон кој подржува две сим картици истовремено, но бидејќи не ми се даваше 300 евра, а и несакав да го мењам постоечкиот мобилен, најдов друга солуција која се вика 2in1 Super Card.

Едноставно објаснето, тоа е тенко лентиче на кое се ставаат две сим картици и можеш да го употребуваш во било кој мобилен телефон. Пошто се користат оргиналните картички, телефонот ги препознава исто како да му ставена сим картичката директно во него.

Кликни на сликите за поголема верзија

Обично би требало едната картица да дојде над батеријата, но пошто кај телефонот прикажан на сликата (Nokia 3510i) слотот доаѓа од другата страна, мораше да иде одоздола. Поради ова батеријата не легнува скроз во лежиштето и малце е испакната надвор, но откако ќе се затвори поклопецот, се држи нормално.

Малце е неуредно и немало да биде лошо да ставеле подолго лентиче. Исто така испораката траеше максимални 30 дена (можеби ради празниците), но за вкупна цена од 9 евра со се испорака, веројатно се исплати. На крајот сепак добиваш онолку колку што плаќаш.

Да се вратиме на најбитниот дел - функционалноста. Штом ќе го вклучиш телефонот, се иницијализира најнормално и се поврзува со мрежата од едната сим картица. Тоа што ќе го приметиш е дека имаш нова опција во менитo наречена Dual Card.

Кликни на сликите за поголема верзија

Овде ти се прикажани броевите од двете сим картици. Бројот со ѕвездичка до него е моментално активен, а другиот може да се селектира. Значи двата броја не се активни во исто време.

За да се префрлиш на другиот број, едноставо го селектираш. Префрлувањто трае 3 секунди и веднаш си достапен на мрежата на другата сим картица. Ако сакаш на двата броја да си достапен во исто време, тогаш ќе треба да направиш едниот број да префрла на другиот или пак да ја активираш опцијата која на одредено време ги мења автоматски.

Јас го користам едниот број за тие што ми се во кругот од T-Mobile (Мобимак) кој ми е претежно активиран, а другиот од Frog (Cosmofon) го активирам кога се јавувам преку ден и праќам SMS. Пошто сеа префрлањето од еден на друг број е само 3 секунди и една мени опција, по цел ден можам да ги мењам.

Што се однесува до трошењето на батеријата, зависи од самиот телефон. Има некои модели кои при префрлање од една на друга мрежа трошат повеќе батерија, но во глобала кај мене не приметив разлика (освен тоа што сеа повеќе праам муабет).

Се на се, ова е прилично корисна работа која овозможува да си комбинираш две услуги и два тарифни модели од различни оператори, задржувајќи ги и двата броја без да мора влечкаш стално со себе два мобилни.

Инсталирање на Thermalright HR-05-SLI

2007-12-24T18:06:00.001+01:00

Како што ветив во претходниот пост, еве подетално за Thermalright HR-05-SLI од QuietPC заедно со процедурата на заменување на стариот northbridge chipset кулер.

Прво нешто кога ќе ја отвориш кутијата која од надвор изгледа како обичен картон, ќе приметиш колку заштита употребиле за да не се оштети кулерот при транспорт.

Кликни на сликите за поголема верзија

Во пакетот на кој јасно е означено дека е Made in Taiwan, се наоѓа кулерот, две упатства (од кое едното е за самата инсталација, а другото е за додавање на дополнителен вентилатор доколку сакаш), сите делови кои може да ти притребаат при инсталацијата како и една налепница од Thermalright за ако сакаш да ја залепиш на куќиштето.

Кликни на сликите за поголема верзија

Поради начинот на кој е дизајниран системот за прицврстување на старото кулерче (со штипки), мора да се извади целата основна плоча за да може да се извади кулерчето.

Кликни на сликите за поголема верзија

Отако ќе ги извадиш сите кабли и ќе ја дигнеш основната, одоздола се гледаат двете штипки кои го држат кулерчето. Овие треба да се притиснат од страните за да може да излезат.

Кликни на сликите за поголема верзија

Еве како изгледа голиот чипсет откако ќе се извади кулерчето и ќе се избрише старата термална паста. Ова е nForce4 Northbridge од MSI K8N SLI Platinum основна плоча.

Кликни на сликите за поголема верзија

После ова, се залепува сунѓерестото перниче на ќошевите на кулерот за да не се направи некој спој со металните делови. Се одбира кое желевце одговара за твојата основна плоча и се монтира заедно со штипките на кулерот. Следно, се нанесува термалната паста од шприцот на чипчето и на кулерот.

Битно е да не се става премногу термална паста... една поголема капка на средината на чипот и на средината на кулерот е сосема доволно, а потоа кога ќе се спојат, самата се распоредува на целата површина.

Кликни на сликите за поголема верзија

Вака изгледа кулерчето поставено. Сега има доволно простор за да не смета на графичката картица, а нејзиниот вентилатор овозможува за додатно ладење и на чипсетот.

Пошто чипсетот на основната плоча нема вграден мерач на температура, како алат за мерење го користам прстот. Разликата е и те како „осетлива“. На претходното кулерче едвај можев да го додржам прстот повеќе од 15 секунди, за разлика од ова кое не е ни млако на допир.

Тоа што е пасивен кулер и што нема вентилатор на него, целосно ја елиминира една од најиритирачките бучави во компјутерот. Исто така не допринесува за акумулирање на прашината под вентилаторот што можеше да се примети на сликите со старото кулерче.

Thermalright HR-05-SLI е дефинитивно нешто што фали на секоја плоча која користи вентилаторче за ладење на чипсетот и е нешто што самите произведувачи требале да го вклучат како составен дел од плочата, а не како надоградба.

Стигна нарачката од QuietPC

2007-12-18T22:12:00.001+01:00

Денес ми стигна од сабајле известување дека имам пристигнато пакет од Англија и дека треба да идам во пошта да си го подигнам. Станува збор за Thermalright HR-05-SLI, кулерот кој беше нарачан од QuietPC пред една недела.

Нормално, без да одлагам многу, се облакам на брзинка и трк накај поштата. Изглеа ги фатив на пауза, пошто на шалтерите немаше никој кога влегов, али не чекав долго. Таман се заглеав во ценовникот за испраќање на пратки од Македонија со авион и дојдоа вработените.

Го давам известувањето што ми стигна, ја плаќам стандардната сума од 75 денари (ова се плаќа на другиот шалтер за уплати) и си ја подигам пратката. Се враќам назад и си се подготвувам за најдобриот дел... отварање на пакетот:

Пакетот е испратен преку кралската пошта и беше одлично спакуван. Од досега што сум нарачувал преку интернет, првпат ми стига внатре потврда за нарачката со вкупната сума и потпис од човекот што ја пакувал, за во случај ако не е добро спакувана.

И луѓето од Thermalright завршиле одлична работа со заштитата и со вклучување на сите делови кои може да ти притребаат при инсталација. Самиот ладилник е исто така од квалитетна изработка. Подетално ќе бидат прикажани сите делови во наредниот пост кога ќе го инсталирам кулерот.

Најбитното е дека стигаат работиве од QuietPC.com и тоа за експресно брзо време. Целиот процес од нарачувањето до отварањето на пратката траеше точно една недела. Земајќи ја во предвид и цената за превозот која изнесува 200 денари, испаѓа прилично исплатливо.

Следно останува да го инсталирам кулерчето на основната плоча и да видам како ќе работи и дали има битна разлика во температурата (во тивкото работење веќе знам дека ќе има).

Македонија на QuietPC.com

2007-12-10T16:39:00.001+01:00

Голема чест и задоволство ми е да најавам дека после преговорите што ги имав со QuietPC деновиве, Македонија од денес е oфицијално застапена на нивната листа на држави.

QuietPC е интернационална корпорација која е специјализирана за продажба на високо-квалитетни тивки(silent) компјутерски делови. Нивната палета на продукти вклучува бесшумни графички картици од Asus и MSI, бесшумни напојувања и специјално изолирани куќишта наменети за аудио и видео продукциски студиа, тивки хард-дискови од 1 терабајт со 32 мб кеш, тивки компоненти за домашно кино како и сите оние кулери за основни плочи и процесори (од Zalman и Thermalright) кои се утепав од барање, а нигде неможев да ги најдам.

Оперираат во САД, Канада, Велика Британија, Австралија, Ирска, Нов Зеланд, а од денеска и во Македонија.

Бидејќи се директни дистрибутери на производителите, цените им се едни од најниските што можат да се најдат на интернет. Исто така, со воведувањето на Македонија во нивната листа, овозможено е испораката на скоро сите производи до тука да чини околу 200 денари и тоа со авионска пошта.

Сепак, затоа што не сакам да препорачувам нешто пред и јас самиот да го испробам, нарачав нешто што одамна ми требаше. Се работи за замена на Бучниот Кулер на основната плоча за кој пишував претходно и бидејќи тогаш неможев да најдам адекватна замена, морав да импровизирам нешто.

Сега конечно решението го најдов на QuietPC и се вика Thermalright HR-05-SLI, Northbridge Cooler, а цената му е некаде 18 долари (значи околу 770 денари). Кликнав да го купам и ми даде опција да одберам начин на испорака. Одбрав авионска пошта до Макдонија која кошташе околу 5-ипол долари.

Следно, ја пишувам адресата на испорака и начинот на плаќање. Одбрав да платам со VISA Electron од NLB Тутунска Банка. Една многу добра опција е што пред да наплати, те прашува во која валута да биде трансакцијата.

Ја проверив дневната курсна листа на Тутунска и испадна дека поефтино ќе ми дојде ако наместо долар, одберам да платам во Британски Фунти. Разликата испадна некаде околу 80 денари поефтино, што можда вака не изгледа кузнае колку, но оваа разлика ќе биде знатна кога купуваш на поголеми суми.

Клинав да се процесира трансакцијата и ми стигна е-маил дека е успешно извршена. По некое време исто така ми стигна уште еден потврден маил да ме известат дека веќе ја испратиле пратката по пошта.

Сега останува само да видам колку дена се чека за да стигне пратката од Велика Британија до Македонија и како ќе се одвива процедурата.

Апдејт од 18.12.2007: Стигна нарачката од QuietPC, а подетално има ТУКА.

Прашај го Петар

2007-12-03T15:07:00.001+01:00

Колку веруваш во магија? Дали веруваш дека постои ентитет, еден вид на чиста енергија, кој преку интернет може да ти одговори на сите прашања со зачудувачка прецизност? Овде не станува збор за Google, него за веб страната на Петар, www.peteranswers.com.

Интересното кај Петар е што и да го прашаш, ќе ти одговори во истиот момент: „Колку луѓе сме во собата?“, „Која е мојата омилена боја?“, „Што носам во моментот?“, „Како се вика моето куче?“... и тоа секој пат точно!

Дури и прашањата можеш да ги поставуваш на било кој јазик и одговорите ќе ги добиеш на истиот. Да, Петар знае и Македонски!

Кога ќе отидеш на сајтот, ќе те пречека едноставен интерфејс и кратко упатство како се користи. Има две полиња за текст. За да му поставиш прашање, во првото мора да го замолиш Петар да ти одговори со впишување на „Peter, please answer the following question:“. Овој дел мора да го пишеш рачно (копи пејст не функционира!) и точно од збор до збор, на англиски јазик и на крај да ставиш две точки (не .. него :)

Откако ќе го напишеш ова, ќе ти се отвори и полето за прашања. Овде можеш да поставиш било кое прашање што те интересира на било кој јазик. Битно е на крај да завршува со „?“. По правило, ако ти го знаеш одговорот тогаш и Петар го знае. Ако ти не го знаеш одговорот, тогаш Петар нема да ти одговори... значи прашања за предвидување на иднината и добитни комбинации за игри на среќа отпаѓаат.

Кога првпат дознав за сајтот, некако ми беше шубе да му поставам прашање. Сепак, после откако почнав, едноставно неможев да прекинам. Се собравме друштво да го испопрашаме за се и сешто и цепавме повеќе од саат време. Петар не прекина да изненадува со своите одговори...

Како Петар ги знае сите овие работи? Како ги знае одговорите на прашањата до детали, имињата на сите личности и све што знаат тие самите? Која е тајната?

Како поклон од мене за тебе, баш тоа и ќе ти го кажам. Само тука мора да донесеш одлука: Дали навистина сакаш да знаеш? Ако го прочиташ ова до крај, тогаш Петар ќе ја изгуби целата моќ што ја има од тебе. Нема враќање назад! Ако сакаш Петар да продолжи да има моќ врз тебе и да одговара на сите твои прашања, ПРЕКИНИ СО ЧИТАЊЕ СЕГА!

Следниов текст е напишан со невидливи букви, така да ќе мора да го селектираш со маусот за да можеш да го прочиташ: Мило ми е што продолжи со читање. Финтата на Петар е всушност генијален магичен трик и сега ќе те научам како да го употребуваш и ти:

Најпрво прашај ја другарката или другарот до тебе кое прашање сака да му го постави на Петар. Откако ќе ти каже, наместо да почнеш да пишуваш „Peter, please answer:“ стисни . (точка) на тастатурата. Овде ти го пишуваш одговорот на прашањето!

Значи ова што ќе го напишеш сега е всушност тоа што ќе се појави на крај како одговор. Финтата е во тоа што додека ти го пишуваш одговорот, на екранот се појавува како да пишуваш „Petar, please answer“.

Кога ќе завршиш со пишување на одговорот, повторно стисни . и допиши го до крај делот што фали од „please answer the following question“. Не заборавај на крај да ставиш „:“.

Сега ќе ти се отвори полето за прашања каде што го внесуваш прашањето на кое веќе му даде одговор претходно. На крај стискаш само „?“ и воала... се појавува одговорот оставајќи ги зачудени луѓето околу тебе со твојата „магија“.

Ова е ненормално забавна ствар за домашна журка или било кое место кај што има луѓе и компјутер со интернет. Сега имаш можност ти да бидеш „Магионичарот“ и да ги забавуваш твоите пријатели или членови од фамилијата.

Не е лошо само да повежбаш малце пред да излезеш во јавност, пошто ќе треба да смислуваш одговори на секакви прашања во самиот момент. Исто така нема да биде на одмет и малце побрзо да пишуваш.

Само не заборавај дека сево ова е ради забава! Лесно може да се забега со овие работи, така да пази што им праиш на луѓето. Ако се кај тебе дома, знај дека се на твоја одговорност и гледај да не треба после да им носиш шеќер и вода.

Стај се на SKYPE од твојот мобилен телефон - бесплатно

2007-11-25T16:44:00.001+01:00

Доколку не те задоволува само чатување на MSN преку мобилен (за кое упатството беше објавено во претходниот пост) и сакаш да користиш SKYPE преку мобилен, има решение и за тоа.

Решението се вика Nimbuzz и овозможува конектирање со твојот SKYPE акаунт преку твојот мобилен телефон. Спореден со Mig33 има многу сличности, но има некои битни разлики.

Првата разлика е можноста освен на MSN, да се конектираш и на SKYPE, што значи дека ги подржува и двете мрежи истовремено. Исто така има можност да им титнеш на твоите пријатели за да им текне да се уклучат на MSN или SKYPE, дури и кога немаш кредит на мобилниот. Од тука доаѓа и името buzz - титкање.

Оваа опција функционира на следниот принцип: Се логираш на твојот акаунт и гледаш дека личноста со која сакаш да разговараш е офлајн. Одбираш „Buzz“ од менито и Nimbuzz им титка на нив. Опцијата да титнеш без да имаш кредит кај нас е достапна само ако си на COSMOFON, пошто они дозволуваат конектирање на интернет без да мора да имаш минимум 50 денари на сметка.

Како додатен бонус е еден мал детал кој уствари е многу корисен: Кога пишуваш преку мобилниот, на соговорникот му се појавува она „user is tryping...“, додека кај Mig33 ова не е случај.

Сепак Nimbuzz не е перфектен. Негативните работи се тоа што нема опција за праќање на бесплатни SMS пораки. Исто така не подржува праќање на слики директно од камерата и смајли, а ја нема ни опцијата за праќање и примање на е-маилови.

Корисничкиот интерфејс на Mig33 е поинтуитивен и полесно е комуницирањето со повеќе луѓе истовремено.

Значи за да го користиш Nimbuzz треба да ги имаш подесено сетинзите за интернет на твојот мобилен телефон (што е објаснето во претходниот пост ОВДЕ) и да го симнеш и инсталираш програмчето.

Доколку веќе ги имаш подесено сетинзите и имаш начин како да го префрлиш програмот од компјутер на мобилен (преку Bluetooth, USB кабел или Infrared), можеш да го симнеш од ТУКА

Ако немаш како да го префрлиш, тогаш оди на ОВАА страница, внеси го бројот од мобилниот на кој сакаш да го инсталираш Nimbuzz и ќе ти го пратат по СМС.

Останува на тебе да одлучиш кој повеќе ти се свиѓа. Јас несакав да се одлучам и затоа сега константно си ги користам и двата програми во зависност од тоа што ми треба во моментот.

Стај се на MSN од твојот мобилен телефон - бесплатно

2007-11-19T17:43:00.001+01:00

Ако си како мене и најголемиот дел од „телефонските“ разговори ги обавуваш всушност преку интернет, ова програмче ќе ти дојде како кец на десетка (што и да значи тоа). Сега ќе можеш сите чатувања од MSN или Windows Live Messenger да ги продолжиш и кога не си на компјутер, преку твојот мобилен телефон и тоа бесплатно.

Станува збор за Mig33, кој е всушност Java програмче што овозможува конектирање со твојот акаунт на Windows Live Messenger и праќање SMS пораки - бесплатно, како и додатна можност за интернационални повици до сите телефонски броеви - али платно.

Тоа што е Java апликација во превод значи дека доколку го имаш купено мобилниот во претходните две години, би требало да фаќа кај тебе. Све што треба да направиш се две работи:

Првата работа е да ги наместиш сетинзите за GPRS Internet на твојот мобилен телефон доколку не се наместени од претходно. Во принцип, податоците кои треба да ги внесеш се исти, но кај некои телефони е направено покомлицирано дур најдеш кај терба да ги внесеш, така да од мобилниот зависи колку ќе се малтретираш.

Сетинзи за GPRS Internet за Т-Мобиле (Мобимак):
APN: internet
Username: internet
Password: internet
Login Request: Off
IP Address: ... <оставаш празно>
DNS Address: ... <оставаш празно>

Или можеш подетални сетинзи конкретно за твојот мобилен телефон да видиш на нинвата страна ОВДЕ. Го одбираш производителот, моделот и најдоле одбираш „ИНТЕРНЕТ“, а не „ГПРС“!

Сетинзи за GPRS Internet за Cosmofon:
APN: internet
Username: <оставаш празно>
Password: <оставаш празно>
Login Request: Off
IP Address: ... <оставаш празно>
DNS Address: ... <оставаш празно>

Или можеш подетални сетинзи конкретно за твојот мобилен телефон да видиш на нивната страна ОВДЕ. Го одбираш производителот, моделот и тука неможеш да згрешиш пошто нема трета опција.

За сетинзите за GPRS Internet на VIP, посети ја нивната страна ОВДЕ, одбери го производителот и моделот на твјот мобилен, под „Вид на подесувања“ одбери ИНТЕРНЕТ и внеси го твојот телефонски број. Сетинзите ќе ти стигнат како СМС порака и сами ќе се наместат.

Ако не ти успее да ги наместиш рачно сетинзите, или јави се на бројот за техничка подршка на твојот мобилен оператор или слободно однеси го мобилниот во било кој продажен салон за да ти го наместат бесплатно.

ВАЖНО: Доколку го носиш во Т-Мобиле, не заборавај да нагласиш да ти наместат сетинзи за GPRS INTERNET, а не за GPRS WAP пошто со второво ќе те изгорат со цените! Овој проблем го нема кај другите два оператори.

Еве како се движат цените за GPRS INTERNET:
Т-Мобиле: 35,4 денари за 1 мегабајт
Cosmofon: 106,2 денари за 3 мегабајти или 177 денари за 6 мегабајти
VIP: 70,80 денари за 1 мегабајт

Јас лично сум на Cosmofon и го користам пакетот со 3 мегабајти (испраќам СМС со соджрина „INTERNET INET03“ на телефонскиот број 124 и ми кинат 106,2 денари од сметка). Вака 3 мегабајти изгледаат малку, но MIG33 ептен ги штеди и ми траат 4 месеци. Значи плаќам негде 27 денари месечно.

Сите овие цени се со вклучен ДДВ, нормално. Не ми е јасно зашто сеуште има компании што ги прикажуваат цените без ДДВ? Сакаат да кажат дека е факултативно неговото плаќање или предизвикуваат избегнување на плаќање на данок?!

Али да се вратиме на темата... Значи ако веќе ги имаш подесено сетинзите, тогаш останува само да го инсталираш програмчето на твојот мобилен. Доколку имаш начин како да го поврзеш компјутерот со мобилниот (USB кабел, Bluetooth, Infrared), тогаш MIG33 можеш да го симнеш од тука, а лајт верзијата од тука и да си го префрлиш од компјутер на мобилен.

Доколку пак немаш како да го префрлиш, слободно прати ми го бројот од мобилниот на кој сакаш да го инсталираш MIG33 и ќе ти го препратам преку СМС. Бројот го користам единствено за да ти ја пратам поканата и потоа го бришам!

Разлика помеѓу полната и лајт верзијата е тоа што полната верзија подржува и прикажување на смајлите од MSN, праќање и примање на слики, праќање и примање на е-маил и други додатни опции. Лајт верзијата, од друга страна пак, е побрза и поненатрупана, а троши и помалку сообраќај. Иначе и двете верзии подржуваат поврзување со MSN и праќање на бесплатни СМС пораки кон било кој број, така да која и да ја одбереш, нема да згрешиш.

По инсталирањето, си одбираш какво сакаш да ти биде корисничкото име и лозинката. После ова те прашува дали сакаш да се конектираш и преку MSN. Овде ги внесуваш username и password-од од твојот веќе постоички MSN акаунт и тоа е тоа. Сега ќе можеш да комуницираш со сите твои MSN контакти преку твојот мобилен во било кое време и без разлика каде се наоѓаш. Кликни овде ако те интересира како изгледа.

Останува уште само да можеш да ја постигнеш истата брзина на пишување ко на компјутерска тастатура.

Купување оргинална музика од Amazon.com

2007-11-12T23:41:00.001+01:00

Пошто денеска цел ден ми се врти една песна во глава, си ја пуштив да ја слушам (ставена на рипит, нормално) во позадина. Не сум љубител на песни во кои луѓето повеќе рецитираат него што пеат, но за се има исклучоци и секоја чест на нив... кога веќе ја слушам, дај барем да го најдам и текстот.

Идам на Google, го пишувам името на групата и песната: „Elemental - Materijalist“ , допишувам „lyrics“ и пуштам да бара. Текстови најде милјарда, но интересното беше што имаше и линк каде може да се купи оргиналната верзија на песната за $0.89 долари или некаде околу 40 денари.

Станува збор за ново-отворената продавница на веќе познатиот Amazon.com, посветена за продажба на оргинални високо квалитетни MP3 песни без DRM инфекции. Сега веќе како главен конкурент на iTunes, има преку 1 милион песни за наводно најниски цени, а ме изненади тоа што меѓу нив ја надов и оваа која си ја сметам за наша (Балканска) песна.

Си викам зашто да не!? Ја слушам песната, ја почитувам групата, ќе имам можност да пробам како функционира купувањето од AmazonMP3.com, а на крај краева ако имам пак проблеми со резервирани средства барем овој пат ќе бидат само 40 денари.

Ми текнува дека неодамна читав како се жалеа луѓе пошто неможело да се нарачува од Велика Британија, но дека нашле решение како да го надминат тоа. Во секој случај отидов да пробам...

Кликам на BuyMP3, ги пополннувам податоците и го внесувам број на кредитна картичка. После ова ми бара адреса за испорака што е малце чудно пошто не ми испорачуваат ништо, него си ја симињам песната од интернет. Набрзинка почињам да ја пополнувам адресата, си пишуем улица-број-град-зип код и не приметуем дека нема поле за држава.

Тоа обично стално значи дека нарачката важи само за од Америка. Ова било и причината за која ти бараат адреса за испорака, да проверат дали си од таму. Идам пак на Google и пробувам да го најдам текстот што го читав со Британците заедно со решението.

Они викаат дека треба да се внесе било која фикционална Америчка адреса само колку да помине процесот пошто не се проверува, а и ништо не ни стига на таа адреса. Се враќам назад, внесувам California како држава и кликам Continue.

Пошто сега ми јавува дека не ми се совпаѓа зип кодот со адресата, идам на Mongbay да најдам кој ми е зипот од мојата имагинарна адреса од куќата во Beverly Hills... го внесувам, кликам и по краткото лоадирање ме поздрави оваа порака:

Човек да сака да плати за оргинална песна, а неможе...

ОК, идам да барам друго решение. Најдов дека треба да се избришат сите претходи адреси што веќе ми се запамтени во акаунтот на Amazon и да има само една Америчка. Го правам и ова, но не помага.

После дознав дека од неодамна почнале освен по адресата за испорака, да ги филтрираат корисниците и според IP адресата. Ова веќе е апла дискриминација, но ме интересираше до каде ќе одат.

Почнав да барам proxy сервер преку кој ќе можам да ја спроведам трансакцијата. Proxy серверот служи како посредник помеѓу два клиенти т.е. јас му ги праќам информациите на Amazon, но кои претходно поминуваат преку proxy-то така да за Amazon изгледа како да доаѓаат директно од самото proxy. Доколку proxy серверот се наоѓа во Америка, тогаш мојата IP адреса ефективно ќе се покажува како Америчка.

После пробување на 20-тина сервери, наоѓам еден што е од Америка и што функционира. Идам на сајтот за да ја купам песната, овој пат преку proxy-то, ги внесувам податоците, кликам на континуе и... баш во тој момент снемува струја и стојам така 2 секунди у темница, изваден од памет и се чудам што се десило.

Глеам низ прозор, цела населба нема стрја. Како се погоди баш сеа да снема?! Лани знам исто ова време негде снема струја и немаше едно 2-3 дена. Одма почнуваат да ми се вртат идеи у глава: „кој ќе се мрзне сеа“, „како не го уклучив бојлерот“. „шо не сум го стаил да се пуни мобилниот“ итн.

Поминувам така пола саат у темница и доаѓа струја. Зиам одма уклучуем бојлер, го стаам мобилниот да се пуни и го уклучувам пак компјутерот. Се синхронизира модемот, ја отварам страната и таман да почнам уште еднаш од почеток, пак снемува струја... санава!

Овојпат дојде за 3-4 минути и со надеж дека нема да снема пак, почнувам пак од почеток. Идам на сајтот преку proxy-то, ги пополнувам сите податоци, кликам да ја купам песната и... ме поздравува истата порака од фотосот претходно.

На крај испадна дека од пред некој ден почнале да ги филтрираат корисниците и според броевите на кредитните картици.

Значи под

а) За да ја купиш песната, треба да имаш адреса во Америка, да си приклучен преку Американски интернет сервис провајдер и да имаш кредитна картичка издадена од Америчка банка. Пожелно е да имаш и сопствен генератор за струја у случај доколку ти снема додека се малтретираш со сите овие работи.

ИЛИ

б) можеш да си ја симнеш песната бесплатно со кликнување ТУКА, а како бонус еве го и текстот:

---------------------------------------------------------------

Ma ma ma ma ma ma ma ma ma Materijalist
Ma ma ma ma ma ma ma ma ma Materijalist

Reko sam sebi, ne znam kad je to točno bilo,
da ću ganjat drukčije ideale, što god to uopće značilo,
i pazit ću na sebe, na kvalitetu života,
ne bit pohlepan materijalist - jer tog me je sramota.

Reko sam sebi da moram imat samo ono bitno,
radit ću da zaradim, da nemam uvijek samo sitno
po džepovima, imat ću svakom za platit piće,
bit ću dobar prema svakom, o meni neće pričat priče.

Reko sam sebi, nema nošenja stare robe,
čarape kad mi puknu, odma kupujem nove.
Nema krpanja, prekrajanja, vađenja fleka iz košulje,
ne nosim stare pulovere sve dok im se rukavi ne izdulje.

Reko sam sebi, čak sam par put si ponovio,
onako za svaki slučaj - da ne bi zaboravio:
Nemoj bit ko drugi, nemoj bit materijalist,
pred sobom, Bogom i ljudima moraš bit čist!

Hej pusti priče, ne okreći list
jer ne možeš pobjeći kad si materijalist.

Ma ma ma ma ma ma ma ma ma Materijalist
Ma ma ma ma ma ma ma ma ma Materijalist

Ma ma ma ma ma ma ma ma ma Materijalist
Ma ma ma ma ma ma ma ma ma Materijalist

Pa kaže...Plan realizacije - oznaka "hitno!",
dvotočka, moram se koncentrirat samo na ono bitno.
Sat mi se već raspada na ruci je još od krizme,
riješit ga se, bacit ga, a novi da na kazaljke se uzme.

Slijedeće mobitel, a i taj je skoro krepo,
pišem nabavit novi i to neki koji izgleda lijepo.
Dat auto na pranje, sicevi da se bijele,
i odvest ga na servis da mu promjene lamele.

Kupit knjigu, e to moram posebno markirat,
ne valja posuđivat i to onda fotokopirat.
Kupit knjigu, čitat ju jer od nje postajem bolji,
i ne valja preskakat stranice onog što mi nije po volji

Hej pusti priče, ne okreći list
jer ne možeš pobjeći kad si materijalist.

Ma ma ma ma ma ma ma ma ma Materijalist
Ma ma ma ma ma ma ma ma ma Materijalist

Ma ma ma ma ma ma ma ma ma Materijalist
Ma ma ma ma ma ma ma ma ma Materijalist

I šta sad... aha... Nastavak plana za osobni boljitak,
ne valja uvijek gledat na financijski dobitak.
Pomoć koji put ljudima - podcrtaj ovo "pomoć",
makar nemaju za platit u susret im probaj izać'.

Nabavit nove hlače, ove se drapaju već na peti,
otić do hiphop stora uzet nešto za nosit ljeti.
Sljedeća točka cura - - - to ne treba mijenjat,
probat se baš ne svađat tako neš niš ukenjat.

Bit bolji prema sebi, radit na sebi iznutra,
i počet s realizacijom tog plana već od sutra.
Moralne vrijednosti, posebno na njih pazit,
potrudit se uspjet al pri tom nikoga ne zgazit.

Novce zaradit, kolko je potrebno, tek toliko da ih ima,
da ova gore napisana računica financijski štima.
Pred sobom, Bogom i ljudima uvijek ostat čist,
i nemoj nikako, nikako biti materijalist!

Ma ma ma ma ma ma ma ma ma Materijalist
Ma ma ma ma ma ma ma ma ma Materijalist

Ma ma ma ma ma ma ma ma ma Materijalist
Ma ma ma ma ma ma ma ma ma Materijalist

---------------------------------------------------------------
И? Кој би бил твојот избор?

Купување оргинални игри преку eBay: The Orange Box

2007-11-05T20:11:00.001+01:00

Пошто се разработи системов со Купување преку eBay, почна да ми станува навика за било што и да ми треба, прво да го побарам таму.

Овој пат, поради големо воодушевување од една игрица наречена Portal, отидов онака да проверам колку кошта. Обично не се залагам многу за купување на оргинални игри или филмови затоа што несакам да ги подржувам алчните и бездушни издавачки куќи кои ги цедат авторите, а притоа им даваат едвај 5% од цената која ја изнудуваат за секое CD или DVD. Па кај си го купил оргиналот, уште те инфицира со DRM (или Digital Rights Management, што во превод значи ти инсталира 300 вируси) за да неможеш да го копираш или да играш без CD-то да ти е нонстоп во драјвот.

Сепак овој пат сакав да го направам тоа затоа што станува збор за стварно исклучителна игра и авторите заслужуваат подршка. Плус тоа се работи за Valve, кои обично не ти инсталираат 300 вируси (поминуваат со 150) и не ти бара да ти биде CD-то во драјвот додека играш.

Иначе играта е најнова, испадна дека иде само во пакет со уште 4 други игри: мега-хитовите Half-Life 2, Half-Life 2: Episode One и Half-Life 2: Episode Two, како и продолжението на дедото на сите тимски базирани мултиплеер пуцачини, наречена Team Fortress 2 и вкупната цена е околу 900 денари на eBay. Тоа со се поштарина до Македонија кошта околу 1400 денари.

Тука малце ме зачудува фактот како може 5 хит игри од кој 3 најнови со се испорака до Македонија да коштаат 1400 денари, а купување на „оргинали“ од Југотон или сличните продавници да бидат 3000+ денари од игра и тоа сите постари од 6 месеци?!

Идам на eBay, го контактирам продавачот и се договараме за начин на плаќање. Овој продавач примаше директно кредитни картици, па платив со Visa Electron од NLB Тутунска Банка. Човекот веднаш зема да го скенира листот од кутијата каде што се наоѓа Серискиот Број или CD-Клучот и ми го прати.

Добра работа кај Valve е тоа што не ти треба да го имаш CD-то ни за да ја инсталираш играта. Едноставно симнуваш едно програмче наречено Steam, го внесуваш CD-Клучот или Серискиот Број од играта што си ја купил и ти ја симнува најновата верзија директно на твојот хард-диск која веднаш можеш да почнеш да ја играш.

Можев да го купам само серискиот број и да платам само 900 денари без да ми ги испрати DVD-ата и без да плаќам поштарина за нив, али сакав да си ги имам во колекција.

Одма се нафрлив на плешање и ја завршив Portal... 2 пати. Ретко ми се случува да преигрувам некоја игра, но оваа има најиновативен гејмплеј и една од најдобрите песни што се пушта кога ќе ја завршиш. Ако веќе ја имаш завршено, MP3 верзијата од песната можеш да ја симнеш од тука... а ако не, ти препорачувам најпрво да ја изиграш до крај пред да ја слушнеш. Верувај ми за ова.

Нешто што дојде како бонус е Team Fortress 2. Неверојатно интересна и заразна игра од типот на Counter-Strike: Source, но една од ретките што можеби има шанси и да ја надмине. Има премногу детални рецензии на интернет за нејзе, така да само ќе ти ја препорачам, а ќе оставам за повеќе да си најдеш ти.

Преку ден, кога интернетот е катастрофа и има неверојатно голем лаг(ping) поради кој е невозможно да се играат мултиплеер игри на интернет, почнав да ја плешам Half-Life 2 со продужетоците. Оваа игра сум ја скипнал на времето ради тоа што не сакав игри каде што се бориш претежно против зомби и мутанти.

Макар да сеа кога ќе размислам, во последнава година-две све некои вакви игри заредував (Painkiller, Doom 3, Quake 4, F.E.A.R. и Resident Evil 4), така да изгледа ми се сменил малку вкусот... во секој случај, видов што сум пропуштал и брзо го надокнадив.

Поминаа помалку од две недели и ми стигнаа DVD-ата дома. Платив вообичаена такса од 75 денари. Јес да веќе ги имав инсталирано и ги плешав игрите, али има некое убаво чувство кога ти стигнува пакетче и се спремаш да го отвориш...

Спиење до касно

2007-10-28T13:40:00.001+01:00

Во последно време почнав да приметувам дека све почесто и почесто се будам после 4 саат попладне, а уште поинтересно е што уствари сум све поненаспан и поненаспан. Како бонус на тоа, ми треба и уште едно пола саат дур се расонам и извлечам од кревет.

Очигледно нешто не е како што треба, па решив да најдам што е и да го исправам. Ми текнува на времето кога сеуште бев во средно, го имав најдобриот биоритам - си легнував во 3 сабајле и станував во 11. Таман ќе си глеав „Млади Бунтовници“ и ќе тргнев на школо втора смена.

Исто така, кога станував по рано, многу полесно се расонував и многу поенергетично и покреативно се осеќав во тек на целиот ден. Логичен заклучок - ќе пробам да го наместам биоритмот пак да станувам така.

Го местам алармот на мобилниот да ми звони во 11, си легнувам и следниот ден... се будам во 3 ипол попладне. Штом почне да звони мобилниот, несвесно и пола во сон го зиам и го исклучувам. После неколку вакви неуспешни обиди, наидов на интересни истражувања во врска со ова и проблемот го најдов во стратегијата.

Најчеста грешна стратегија е кога си претпоставуваш дека ако сакаш да станеш порано, треба да си легнеш порано. Фино-лепо си рачунаш колку време ти треба за спиење: на пример легнуваш во 12 на полноќ и стануваш во 8 сабајле (значи ти треба 8 саати) и си го поместуваш тоа спиење од 10 навечер до 6 сабајле. Изгледа логично, но скоро секојпат е неуспешно.

Постојат две главни верувања кога е во прашање спиењето:
Едното е дека треба да имаш точно одредено време на легнување и точно одредено време на станување кое е исто секој ден. Еден вид аларм за двете работи.

Второто верување е дека треба да легнуваш кога ќе ти се приспие и да стануваш кога ќе ти дојде, пошто телото најдобро знае колку сон му треба, па најубаво и најприродно е да го слушаш него.

Вистината е дека двете верувања се всушност погрешни. Пошто ако имаш одредено точно време кога легнуваш и стануваш, често ќе легнуваш кога не ти се спие. Ова у превод значи бескорисно врткање во кревет додека заспиеш, понекогаш и со саати. Исто така погрешно е и мислењето дека секој ден ти треба ист број на часови спиење. Ова всушност варира од ден на ден во зависност од многу фактори.

Ако пак си легнуваш и стануваш како што ти вика телото (тоа го применував до сега), обично ќе спиеш повеќе отколку што треба. И тоа многу повеќе - скоро 10-15 саати неделно, што е цел работен ден. Згора на тоа, влегуваш во еден процес кој се вика „пре-спиење“ каде што фактички додатното спиење те прави да се чуствуваш уште позаморно.

Јас верувам дека оптималното решение е да си легнеш кога ќе ти се спие (и само кога ќе ти се спие), а да стануваш секој ден со аларм во исто точно определено време (7 дена во неделата, дури и преку викенди).

Важно е штом го слушнеш алармот сабајле, да се растегнеш и што побрзо да станеш без да размислуваш многу. Што повеќе се мрзованиш, толку повеќе ќе почнеш да се убедуваш да продужиш со спиење и ќе ти биде уште потешко станувањето.

По неколку дена, биоритамот ти се прилагодува природно на тој ритам. Ако помалце имаш спиено претходната вечер, автоматски ќе ти се приспие порано и подолго ќе спиеш следната вечер. Исто така, ако имаш повеќе енергија и не осеќаш замор, тогаш ќе спиеш помалку.

Така да сега си легнувам само кога ќе осетам дека ми се спие. Мојот тест за ова е кога читам нешто на итнернет, гледам дека неможам повеќе да ја задржам концентрацијата и ме тера да задремам. Времето кога ми се приспива е различно, во зависност што сум правел претходниот ден и колку сум уморен, но во просек секогаш испаѓа да спијам околу 7-8 саати.

Позитивната страна е штом легнам во кревет, одма заспивам и утредента се будам наспан и полн со енергија. Уште една позитивна работа е добивањето во просек 1:30 до 2 саати повеќе време во денот пошто сега спиењето ми трае помалку, а поефективно е ради тоа што не се врткам во кревет, не зјапам празно во таванот дур чекам да заспијам и не се „пре-спивам“.

Бучен Кулер: Slim Верзија

2007-10-20T15:50:00.001+02:00

Ова е продолжение на претходниот пост, Бучен Кулер.

Откако го заменив оргиналното кулерче со новото, намалувањето на бучавата беше и те како приметна. Дури првите денови не ни осеќав дека работи компјутерот затоа што изгледа сум се навикнал на зуењето од претходно.

Помина некое време и оваа модификација си работеше супер се додека не ја сменив графичката картица. Пошто новата графичка поминува одма врз чипсетот, нема доволно место за да можам да го користам тивкото кулерче и морав привремено да го вратам оргиналното бучно кулерче.

Ме потсети како ми било претходно и се чудев како сум издржувал со таа бука (можеби сега уште повеќе зуеше од порано пошто така стоело у фиока без да се користи). Едвај издржав неколку недели со нетолерабилната бучавата и тргнав повторно да барам ново решение.

Пошто тогаш сеуште не бев упатен како иде Нарачувањето преку интернет или уште помалце Купувањето преку eBay, барав кај нас. Уште еднаш го свртев цел град и видов дека ситуацијата не се сменила воопшто во врска со снабденост на кулери за основна.

Отворив нова тема и на Македонскиот Форум за Хардвер во врска со ова. Таму се собираат ентузијасти кои си ја знаат рабоатата, стално се спремни да помогнат и да го споделат нивното искуство. Нажалост само се потврди фактот дека кај нас нема каде да се најдат готови Retail кулери за основна плоча.

На крај пак отидов кај дечките од сервисот во Niko Computers и најдов слично кулерче како Zalman ZM-NB32K, само што ова беше од Abit и додатно земав вентилаторче за одозгора од истиот вид како тоа претходното.

Кликни на сликaтa за поголема верзија

Доаѓам дома, прерипувам 2 маси, 3-4 столици и по некој теписон (пошто моментално кречевме кај мене) и се спремам да го наместам новото кулерче. Сепак како и да го поставев, немаше доволно место. Единствено решение беше еден по еден да ги скратам пиновите на лежиштето.

Епа добро, што е - тука е! Земав бонсекот и клештите и 45 минути покасно го добив ова:

Кликни на сликите за поголема верзија

Проблемот е што дури и со „скратенава верзија“ немаше доволно место за самиот вентилатор, па морав да го поставам вака:

Кликни на сликите за поголема верзија

Вака поставено, растојанието помеѓу графичката и кулерот е едвај неколку милиметри. Еве како изгледа:

Кликни на сликата за поголема верзија

Неможам да измерам дали има разлика во температурата на чипсетот пошто нема на него термален сензор. Вака на допир е доста жежок, но од друга страна пак, нормална температура за него се смета и околу 60 степени.

Бучавата дефинитивно ја снема, што беше и целта. Стабилноста си е иста, пошто доколку се прегрева би требало да се кочи компјутерот или да се рестартира.

Ме интересира твоето мислење... дали имаш претходно искуство со вакви работи и мислиш дека ќе држи вака или можеби имаш предлог за некое друго решение?

Бучен Кулер

2007-10-09T19:21:00.001+02:00

Во време кога се повеќе и повеќе си на компјутер, поготово зимен период, има некои работи што почнуваш да ги приметуваш кои можеби претходно ни на крај памет немаш помислено на нив.

За мене, втора работа што најмногу удара во глава кога сум на компјутер е бучен вентилатор (првата е спор и не-константен интернет, но тоа е друга приказна). Посветив малку време на ова и најголемиот дел од бучавата ја средив со наоѓање на едно програмче.

Станува збор за SpeedFan. Ова е програма која ги покажува моменталните температури на процесорот, основната плоча, графичката картица и хард-дискот и во исто време ја контролира брзината на вентилаторите.

Поедноставно кажано, додека сурфаш на интернет, чатуваш или пишуваш нешто, не се загрева многу компјутерот па со тоа и нема потреба сите вентилатори да вртат на максимум. Со намалување на обртаите од 100% на 80%, ненормално многу се намалува бучавата.

Го земав програмот, го наместив да контролира све како што треба и одма се осети разлика. Макар да сеуште остана едно специфично зуење кое како да беше погласно од сите вентилатори заедно.

Испадна дека највеќе бука прави најмалото вентилаторче кое го лади чипот на основната плоча (nForce4 Northbridge). Овие си имале фабричка маана и во пoновите oсновни плочи се заменети со пасивно ладење.

Кликни на сликата за поголема верзија

Пошто кај нас нигде нема да се купи пасивен ладилник од типот на Zalman Motherboard Heatsink NB47J, го земав VGA Cooler Copper VC-RD Twinkling Light кој нажалост во моментот го немаше во Anhoch па морав да го купам од AMC по дупло поскапа цена.

Мораше претходно да ја извадам целата основна плоча за да можам да го извадам оргиналното кулерче. Ја отстранив и старата термална паста меѓу нив и таман да го намачкам со нова термална паста новиот кулер, си викам ај да пробам како ќе стои. Кога глеам... за сантиметар не пасуваат дупките.

Кликни на сликите за поголема верзија

Го прошетав цел град за да најдам нешто што ќе одговара, али нигде нема никаков кулер за основна плоча. Дури им пишав и на MSI да прашам и ми рекоа дека би требало да има кулери-замена од местото каде што сум ја купил плочата доколку тие се директни увозници.

Плочата беше купена од RiverSoft и знам дека тие би требало да се увозници за MSI, али идам кај нив и абер нема од кулерите за замена нити пак од било каков кулер што би одговарал. На крај најдов нешто во Niko Computers и тоа не на продажба, него дечките од сервис ми завршија работа. Во секој случај си го платив најнормално како да купувам делче на ново.

Кликни на сликата за поголема верзија

Делчето одговараше перфектно. Го намачкав со термална паста, го ставив на чипсетот и се припремив за првото уклучување. Го уклучувам компјутерот и... функционира! Ептен нешто тивко ми се виде(слушна), па ги проверувам дали уопште вртат кулериве.

Разликата беше неверојатна... како може едно толку мало кулерче да ја правело целата таа бучава. Сеа да ти е милина да слушаш како работи.

Купување преку eBay: Стигна Пратката

2007-10-02T20:39:00.001+02:00

Добродојде во финалната епизода од серијалот „Купување преку eBay“. Сите претходни епизоди можеш да ги најдеш овде: Епизода 1: Скандалот со AllPCDeals.com, Епизода 2: Наоѓање Продавач, Епизода 3: Заробени Девизи, Епизода 4: Оспорување Трансакција и Епизода 5: Плаќање

Уште во 9 саат сабајлечки ме изненади поштарот кој до врата ми ја достави пратката. Овојпат не требаше ни да идам до пошта за да ја подигнам.

Испадна дека стигна за нецели 6 дена, што е и побрзо од тоа што очекував пошто на страната пишува дека ваква пратка од Америка до Македонија трае 7 дена. Сега следува најинтересниот дел... отварањето на пратката:

Пликото од позади имаше декларација дека се работи за компјутерски делови и дека затоа е ослободено од царина. Иначе не е само обично плико. Од внатрешната страна е целосно обложено со воздушни перничиња (оние кесите со топчиња што се пуцкаат) и беше херметички затворено.

Процесорите што беа внатре се OEM, што значи клот само процесорот, без кутија, кулер или додатоци, исто како што и беше договорено. Интересно е тоа што ова се првите процесори што сум ги видел да пишува Diffused in Germany. Обично на сите досега пишувало само Assembled in Malaysia и толку.

Кликни на сликите за поголема верзија

Значи и купувањето преку eBay функционира... откако ќе најдеш начин како да платиш без да ти бараат лични карти и копии од кредитни картици и барања за оспорувања на трансакции и ослободувања на резервирани средства. Сепак се е до искуството и се надевам дека овој серијал ти помогна за да ги избегнеш ваквиве проблеми кога ќе нарачуваш.

Фала ти што беше дел од оваа авантура. Ако ти треба било каква информација или помош при купување преку Интернет и eBay, слободно контактирај ме или остави коментар.

Крај на серијалот

Купување преку eBay: Плаќање

2007-09-26T19:34:00.001+02:00

Добродојде во претпоследната епизода од серијалот „Купување преку eBay“. Доколку имаш пропуштено некоја, можеш да ја најдеш овде: Епизода 1: Скандалот со AllPCDeals.com, Епизода 2: Наоѓање Продавач, Епизода 3: Заробени Девизи и Епизода 4: Оспорување Трансакција

Штом веќе најдов начин на плаќање на кој можам да се ослонам, следното нешто е да го употребам. Отидов преку интернет да уплатам средства на ново-отворената сметка од MoneyBookers со MasterCard Light картицата и... веднаш добивам порака дека оваа картичка неможе да се процесира. Барем луѓето испаднаа фер, не ми резервираа средства или слични глупости како чекањето од 24 саати со BidPay, a добив одма и порака или да пробам со друга картичка (VISA) или да уплатам преку банковен трансфер.

Ги земав податоците за уплата од сајтот и отидов овојпат во дирекцијата на NLB Тутунска да прашам како идат банкарскиве трансфери и да видам зашто уствари не ја примаат MasterCard картицава. Службата за вакви ствари е во соба 106 и лесно се наоѓа: тоа е просторијата полна со млади и убави девојки - неможеш да ја утнеш.

Се погоди една многу услужна плава девојка. Ми кажа дека во последно време на многу места на интернет прават проблеми со процесирање на MasterCard картиците и ми препорача да си извадам VISA Electron. Исто така се понуди да пополни и да испрати апликација за ослободување на резервираните средства од BidPay (пошто со оспорувањето на трансакцијата претходно ми ги вратија само парите од AllPCDeals.com, но тие од BidPay сеуште ми беа резервирани).

Поднесов и апликација да извадам VISA Electron картицата, но пошто требаше да чекам недела дена додека биде готова, проверив да видам што треба за директно преку банка да им уплатам. Значи треба да отворам девизна сметка (или девизна штедна книшка) и да ги уплатам средствата што сакам да ги префрлам. Пошто се работи за интернационален банковен трансфер, се наплаќа провизија од 250 денари за SWIFT и плус 3% од сумата која се префрла.

Баајѓи поскапо него да си уплатам со кредитна, а се чека и 2-5 работни дена додека се префрлат на сметка. Но што е, тука е. Си отворив девизна штедна книшка (ова е бесплатно) и си отидов пошто требаше тек после 15:30 да ми ги ослободат резервираниве средства па да можам да ги уплатам на книшката.

Помина 4 саат, уште стојат резервирани... помина и 5 саат - исто. И да ги ослободат сега, нема да можам да стигнам да ги уплатам истиот ден во банка така да оставив за утредента.

Следниот ден, пак не се ослободени. Доаѓа 3 саат и ми ѕвони телефонот. Ми се јави еден дечко од Тутунска, но не за резервираниве средства него во врска со Оспорената Трансакција од претходно. Му објаснив зашто е оспорена и ако треба да ги доставам сметките и е-маиловите кои ми беа пратени од нив.

Ми кажа да ги чувам во случај да ги побараат ако има нешто проблеми, но не би требало да има. Испадна на крај дека трансакцијата била книжена заради тоа што имало проблеми додека се процесирала (им паднала конекцијата).

ОК, средивме работа во врска со тоа, но за другиве резервирани средства од BidPay ми кажа да почекам уште еден ден да видам дали ќе ги ослободат. Поминува и тој ден и уште си стојат резервирани.

Се јавувам околу 11 наредниот ден на 3219-517 и му кажувам на дечкото таму дека имам поднесено и барање, но сеуште не ми се ослободени резервираните средства. Ми вика „а тоа не е во наша надлежност, но ќе препратам ја во службата“. Малце ми падна чудно, пошто претходниот пат веднаш преку телефон ми ги ослободија на истиот овој број.

Поминува 4 саат, уште ништо. Поминува и тој ден и веќе 4 дена се одолговлечува работава. Се јавувам изнервиран уште еднаш на 3219-517 и овојпат не толку љубезно, али сепак културно, објаснувам што се случува. Средствата веднаш ми беа ослободени. Значи тој од вчера врска немало што кажува.

Идам брзо до најблискиот банкомат да си ги извадам парите од картицата. Што е сигурно, сигурно е. Ми маваат 245 денари (2х122.50 пошто на дватапи ги вадев) провизија за тоа што сум ги подигнал. Сега ги имам парите во раце и треба да ги уплатам на сметка.

Ми текнува тогаш дека имам една VISA Electron карцита во новчаник што ја имав изадено уште претходно од Уни Банка. Глеам важност на картицата и... рокот истекол пред 2 месеци. Туу, за малце. Се јавувам сега во Уни Банка и прашувам да не има случајно картица на мое име. Типката од таму проверува и ми вика: „а да има! Готова ви е новата картица, можете да си ја подигнете во експозитурата во Техномаркет во парк до 19:30 часот“.

Идам одма до Техномаркет, си ја подигам картицата и ги уплаќам на нејзе парите. Ми кажуваат од таму дека тек утредента ќе можам да ја користам после 10 часот сабајле. Нестрпливо чекам уште еден ден...

Пошто Уни Банка немаат проверка на сметка преку интернет, а и не ме известија дека сум имал нова картица (мораше сам да ми текне да проверам), си викам ај ќе чекам до 12 часот за сигурно. Идам на MoneyBookers, ја пишувам картицата и сумата и... инстантно ми се префрлаат средствата на сметката! Кликам на „Send Money“ и му префрлам 215 долари на продавачот од eBay.

Иначе MoneyBookers имаат и Escrow сервис. Ова значи дека посредник ќе ги држи парите се додека продавачот не ти ја испрати пратката и додека таа не стигне до тебе. Само откако ќе потврдиш дека стигнала, му ги ослободува парите на продавачот.

Пошто човекот беше со мене низ целава оваа авантура, имав доверба во него и веднаш му ги префрлив парите без да го употребам овој сервис. По некое време ми прати е-маил дека му стигнале на сметка и ден покасно уште еден е-маил дека ја испратил пратката и ми даде бројче преку кое ќе можам да следам каде се наоѓа преку USPS.

Сега останува само да чекам да стигнат процесорите. На сајтот пишува дека испораката преку Express Mail International до Македонија трае 7 дена.

Продолжува...ТУКА

Купување преку eBay: Оспорување Трансакција

2007-09-22T21:34:00.001+02:00

Добродојде во четвртата епизода од серијалот „Купување преку eBay“. Доколку не си во тек со настаните, претходните можеш да ги најдеш овде: Епизода 1: Скандалот со AllPCDeals.com, Епизода 2: Наоѓање Продавач и Епизода 3: Заробени Девизи

Прво што морав да направам, како што ми кажаа од Тутунска, е да поднесам барање за Оспорување на трансакција. Вакво нешто имав видено на самата веб-страна каде што ја проверувам сметката преку интернет и отидов да го пополнам.

Го пополнувам формуларот и пробувам да го пратам преку емаил - не функционира. ОК, го попунувам уште еднаш, пробувам да го отпринтам - пак не функционира. Не ги прикажува сите податоци, а и тие што ги прикажува ги прави лом.

Кога го видов сурс кодот на страната, све ми стана јасно. Али човек кога е во зорт... земав и ја редизајнирав целосно страната за да се пополнува и испринтува како што треба. Иначе ако ти треба некогаш, Формуларот за Барање за Оспорување на Трансакција можеш да го симнеш од ОВДЕ. Едноставно отвори го преку твојот browser, пополни го, испринтај го и заедно со извод за состојба на сметката каде што е спорната трансакција, поднеси го во банката. Овој важи за NLB Тутунска Банка, но можда го примаат и другите.

Го носам во експозитурата во Лептокарија и го поднесувам барањето кое не се дава на шалтер, него те праќааат позади во одделот задолжен за вакви работи. Типката што работи таму беше доволно љубезна веднаш да го препрати барањето по факс во дирекцијата иако веќе и беше завршено работното време (банката работи до 6, но овие служби најверојатно само до 3).

Очекував дека ова е процедура која ќе потрае неколку денови или можеби недели, ако воопшто и биде. Ја проверувам сметката наредниот ден и на мое позитивно изненадување, тие $203 долари земени од AllPCDeals.com ми беа вратени!

Во меѓувреме истражував за нов начин на плаќање и го најдов најдоброто решение: MoneyBookers. Викаат дека све што ти треба за да праќаш и примаш пари е емаил адреса. Еве уствари како функционира:

Прво отвараш нов акаунт кај нив со твојата емаил адреса. Одиш на опцијата Upload Funds за да внесеш пари на твоата сметка. Има два начини, преку кредитна картичка и преку банковен трансфер. Имаат минимална провизија ако качуваш со кредитна од 1.9% (значи за 200 денари ќе ти земат негде 4 денари провизија) и инстантно ти се префрлаат парите. За банковен трансфер нема провизија, но се чека 2-5 дена додека стигнат на сметка.

Откако ќе качиш средства на твојата сметка, идеш на опцијата Send Money. Тука ја пишуваш сумата која сакаш да ја платиш и емаил адресата на примателот. Доколку примателот има веќе отворено акаунт користејќи ја таа емаил адреса, тогаш средствата веднаш ќе му бидат префрлени. Ако нема акаунт, ќе му стигне маил на истата адреса да регистрира акаунт и повторно веднаш ќе му бидат префрлени. Ако нема и одбие да отвори акаунт во рок од 14 дена, ти се враќаат парите назад на сметка.

Ова звучеше супер, а и продавачот на eBay веќе имаше отворено сметка кај нив така да се договоривме плаќањето сега да биде извршено преку MoneyBookers.

Продолжува...ТУКА

Купување преку eBay: Заробени Девизи

2007-09-18T20:27:00.001+02:00

Ова е третата епизода од серијалот „Купување преку eBay“. Ако сеуште ги немаш прочитано првите две, можеш да ги најдеш овде: Епизода 1: Скандалот со AllPCDeals.com и Епизода 2: Наоѓање Продавач

Пошто целава работа со резервирани средства не ми беше скроз јасна, истражував малце во врска со тоа како функционира:

Значи кога ќе направиш нарачка со кредитна, од таму се јавуваат електронски во твојата банка и проверуваат дали имаш толку средства на сметката. Доколку да, тие средства ги резервираат, али не ти ги зимаат веднаш од сметката. Кога се ќе биде во ред, се јавуват уште еднаш во банката и тогаш си ги повлекуваат кај нив. Доколку пак не се јават во рок од 2-5 дена (значи ако во меѓувреме се откажала нарачката, или пак не се во можност да ја испорачаат) тогаш средствата треба да се ослободат автоматски.

Пошто веќе поминаа 5 дена, им пратив маил да ја известат и банката дека е откажана целосно трансакцијата. Откако не добив никаков одговор од нив, се јавив на корисничката подршка на НЛБ Тутунска Банка на телефонот 3219-517.

Му објаснив на дечкото за што се работи и ми кажа дека автоматски тек после 30 дена ги ослободувале резервираните средства (исто како што рече Aco во коментарот и Gorco на Кајгана), но испадна љубезен човекот и веднаш ми ги ослободи. Ја проверувам сметката уште еднаш преку интернет и стварно, сите средства беа ослободени освен некои мистериозни 90 денари кои сеуште ги јавуваше како резервирани.

Одам на BidPay, го внесувам бројот од кредитната картичка и го пополнувам формуларот за плаќање на нарачката. Глупата работа кај нив е што треба секоја трансакција рачно да ја верифицираат, така да требаше да чекам 24 часа за да добијам известување дали е одобрена или одбиена.

По некое време, на сметката гледам дека се резервирале средства од околу 9600 денари и повторно останато уште нешто поситно како расположливи средства. Тоа веќе одговара на сумата од BidPay, што значи дека овојпат они побарале пред-авторизација на трансакцијата.

Утредента, сеуште без одговор од BidPay, си идам ритуално да си ја проверам сметката преку интернет. Си стојат тие 9600 резервирани али сега приметувам дека расположливи средства имам 0 денари. Хмм... идам на Аналитика да проверам што е работава и кога гледам ја прокнижиле претходната трансакција од $203 долари од АllPCDeals.com!

Во меѓувреме ми стига и известување од BidPay дека нивната трансакција не е одобрена. Им оставам порака во нивната служба за подршка да прашам зашто и за помалку од 5 минути добивам одговор (ко од копи пејст) дека „во моментов не прифаќаме плаќања од [внеси име на држава тука] Македонија“. А добро, за што им требаше 24 саати тогаш и што уопште резервираат средства ако не мислат да ги пренесат?!

Кликни на сликата за да го видиш клипчето.

Пак се јавувам во Тутунска, првиот пат никој не се јавува, а вториот пат начекувам некој не толку искусен дечко: Кажува да почекам, пробува неуспешно да го стави повикот на mute и вика од таму „Кошар! Кошар!“ (ваљда не викал Клошар) и кога примети дека све се слуша, ми спушта.

Се јавувам по трет пат и одговара некој сосема друг. Му објаснувам што е работава и ми кажува дека тие стварно ја прокнижиле трансакцијата од 9200 денари и плус овие другиве си ги резервирале тие 9600, што доаѓа ефективно дека ми скинале 18800 денари, а сеуште му немам ни платено на продавачот од eBay!

Продолжува...ТУКА

Купување преку eBay: Наоѓање Продавач

2007-09-15T15:20:00.001+02:00

Ова е втората епизода од серијалот „Купување преку eBay“. Ако сеуште ја немаш прочитано првата, можеш да ја најдеш овде: Купување преку eBay: Скандалот со AllPCDeals.com

Изнервиран од претходната нарачка преку AllPCDeals.com и губењето на сега веќе 4 дена без потреба, идам на eBay да најдам продавач кој: а)продава нови процесори, б)испорачува во Македонија и в)прима друг начин на плаќање освен PayPal, кој не ја подржува Македонија.

Кога веќе сме кај PayPal, има иницијатива на блогот „Слобода на умот“ каде што се потпишува петицијата за прием на Македонија во листата на подржани земји на PayPal. Исто така не е лошо да ја посетиш и PayPalSucks.org за да ги видиш двете страни на паричката.

Назад на eBay, успеав да најдам неколку продавачи кои ги исполнуваа овие услови. Во суштина, продавачот и да нема објавено дека испорачува во Македонија или дека прима други платежни средства, доколку го контактираш може накнадно да се согласи, али што е сигурно - сигурно е.

Го одбрав продавачот кој имаше добра репутација и имаше излистано дека испорачува во Македонија, како и дека прима повеќе начини на плаќање. Неговите цени на процесорите беа малце поскапи, $86 долари наспроти $79 долари околу кои се движеа цените на другите, но освен „Buy it now“ опцијата, подржуваше и „Make an offer“.

Му пратив порака дека мојата најдобра понуда е $215 долари за 2 процесори и за патните трошоци. Значи негде испадна $82 долари од процесор и плус $51 долар за испораката на двата преку USPS Express Mail International. Ова се смета за експресна пошта и затоа е малку поскапа, но за вакви повредни пратки е препорачлива и стига за 5-6 работни дена, а разликата во цената со обичната пошта е некојси $15 долари.

За начин на плаќање го најдов BidPay кои сакаат да му конкурираат на PayPal со пониски провизии и плус официјално ја подржуваат Македонија.

Човекот се согласи на понудата и на начинот на плаќање и „отидовме да го официјализираме“ договорот преку eBay. Тоа значи дека јас ја доставувам понудата преку „Make an offer“, продавачот ја прифаќа преку eBay и со тоа склучуваме правно-важечки договор каде продавачот се обврзува да ја испорача пратката како што е наведена во договорот, а купувачот (јас) се обврзува да ја исплати цената која е договорена.

Во меѓувреме идам да ја проверам сметката на MasterCard преку интернет и кога гледам, што ќе видам?! Стојат резервирани средства во износ од околу 9200 денари, а расположливи средства останало само нешто ситно. Пошто тој износ од 9200 денари страшно се совпаѓаше со износот од нарачката од AllPCDeals.com од $203 долари, јасно ми стана дека овие не ја известиле банката дека трансакцијата е откажана!

Продолжува...ТУКА

Купување преку eBay: Скандалот со AllPCDeals.com

2007-09-12T13:46:00.001+02:00

Искуството ќе биде поделено во неколку серии кои ќе бидат објавувани како што се одвива нарачката преку eBay:

После успешното нарачување преку интернет и стигнувањето на пратката, одлучив да пробам да нарачам нешто од Американскиве сајтови.

Овој пат изборот падна на dual-core процесор, поточно AMD Athlon 64 x2 4200+ за основна полоча со 939 socket. Заедно со уште еден другар собравме пари да нарачаме 2 процесори за да ги поделиме транспортните трошоци.

Иначе овој процесор во RiverSoft го продаваат за 240 евра или 14880 денари. Вистинската цена на интернет му е 3700 денари.

После пар дена барање на место за купување, го најдов AllPCDeals.com. По проверка на домејнот на сајтот, видов дека е регистриран веќе подолго време и дека има и рецензии на ResellerRatings.com што значи дека се работи за валидна компанија.

Пред да ја направам нарачката, пробав да ги контактирам преку нивниот „Live Chat Support“ кој е стално офлајн, па им оставив порака. Иако не одговорија на пораката (што зборува за тоа колку е „професионална“ компанијата), најдов дека примаа MasterCard и испорачуваа во Македонија преку USPS (United States Postal Service) што значи дека сите услови беа исполнети.

Ја поставувам нарачката која вкупно изнесуваше некаде 203 долари за двата процесори со се поштарина и плус добив гратис Zalman Motherboard Heatsink NB47J. Задоволен и нестрплив, секои два саати проверувам до каде е стигнат процесот (има на сајтот да видиш дали е нарачана, процесирана, испратена и стигната пратката).

Обично треба во рок од 24 саати да ја процесираат нарачката и да ја испратат, но два дена поминаа и никаков одговор од нив. Отпосле ми стига е-маил да им пратам копија од Лична карта или возачка дозвола и копија од двете страни на мојата кредитна картица преку е-маил?!

Така лесно да се праќало, немало за џабе да постајат 128 битни сигурносни енкрипции при секоја нарачка од нинтернет. Ти да ги пратиш сите свои лични информаци во еден е-маил... па тоа ти е исто како да си направил фотокопија од твојот идентитет и да си го поделил на секого. Очекувај наскоро на куќата да добиеш хипотека и од сметката да ти е нарачано Ferrari.

Им напишав дека не ми е сигурно да праќам такви информации преку е-маил и дека и MasterCard строго го забранува тоа. Сепак се согласив дека ќе им ги доставам бараните информации, но по друг начин каде што би имал комуникација во живо со нивен претставник.

На барањето на комуникација во живо избегнаа да одговорат и ми побараа уште еднаш преку маил да им ги пратам податоците. Откако нагласив повторно дека само доколку зборувам во живо со нивен претставник ќе ги добијат тие информации, пратија маил дека нарачката е откажана.

И ОК, си викам тоа е тоа, завршено е со нив (да знаев само колку не е завшрено со нив) ќе си купам јас од друго место. А тоа друго место е eBay!

Продолжува...ТУКА

EMS LCD TopGun Review

2007-09-02T20:44:00.001+02:00

Како што ветив во претходниот пост, Нарачување преку интернет: Стигна пратката, еве ја рецензијата за тоа што беше всушност внатре во пратката. Станува збор за првиот Светлосен пиштол (LightGun) кој може да функционира на сите видови екрани.

Порано, сите пиштоли како и најпознaтиот кај нас што идеше во пакет со Nintendo-то, фунцкионираат само на CRT екрани поради принципот на кој што работат. За подетално види ОВДЕ

Кликни на сликата за поголема верзија

За EMS TopGun да може да функцинира на сите екрани, се ориентира со наведување од стендови со инфра-црвени LED диоди кои се прикачуваат за мониторот или на ѕид доколку се работи за проектор. Во пакетот е вклучено и кабелче во форма на Y кое овозможува стендовите да се приклучат на USB наместо на адаптер од 5V во струја.

Кликни на сликата за поголема верзија

Самиот пиштол е дизајниран по мерка на Beretta и е прилично добра изработка. Мерачки стои во рака и ако не се гледа кабелот, лесно може да се залажеш дека е вистински.

Кликни на сликите за поголема верзија

На пиштолот е прикачен и ласерски нишан за полесно центрирање и калибрирање. Калибрирањето на прв поглед изгледа малце комплицирано објаснето, но во суштина треба само да ги погодиш определените точки на ќошевите на екранот. После калибрирањето, пиштолот знае кога е усмерен во мониторот и само тогаш работи ласерскиот нишан.

Кликни на сликата за поголема верзија

Може да работи на PC, PlayStation 2, Xbox и PlayStation3. Со програмата која доаѓа со драјверите за PC, Gun2Mouse, пиштолот функционира како маус. На него има 6 копчиња со се чкрапалото и мини рачка, како од гејмпад на задниот дел која многу врши работа за селектирање во мениата (за да не мора со пиштолот да ги нишаниш). Сите копчиња се програмабилни и може да се подесат на било кој карактер од тастатурата или маусот. Еве како изгледа во живо

Примети дека пиштолот автоматски репетира на секое „пукање“. Оваа опција може и да се исклучи, но стварно е различен филингот кога се осеќа и трзајот.

Сепак, тоа што е најбитно кај еден ваков пиштол е како ќе се однесува при самиот гејмплеј. За овој тест е земена House Of The Dead III:

Дефинитивно ја направи вистинско доживување оваа игра. Кога ја играв само со маус, многу брзо ми станала досадна, до толку што сум заборавил дека воопшто сум ја играл. Сега... ми е меѓу најинтересните игри.

Тоа што фунцкионира како маус значи дека освен игрите што се дизајнирани за пиштол за PC и MAME, може да ги тера и сите Flash игрици со пукање што излагаат во последно време (пр. Stickman Madness 2).

Освен што EMS TopGun е инзвонреден додаток за секој гејмер, изгледа дека им се свиѓа и на луѓето што во принцип не играат игри. Згора на тоа е и одличната цена од 1600 денари (набавна, без превоз). Нова и корисна технологија која нема изгор цена. Тоа ми се свиѓа!

Апдејт од 08.09.2007: Сега можеш и ти да го нарачаш EMS LCD TopGun директно со кликнување ТУКА

Нарачките стигаат и во Македонија! Подетално има на постот: Нарачување преку интернет.

Нарачување преку интернет: Стигна пратката

2007-08-27T15:01:00.001+02:00

Денеска сабајлечки ме израдува известувањето што го добив по пошта дека е стигната пратката и ме чека да ја подигнам.

Иначе станува збор за пратка која беше нарачана пред нешто повеќе од две недели преку интернет (подетално има ОВДЕ) за да испробам дали стигаат работи во Македонија.

Се облакам на брзинка и тргам накај поштата во Карпош 3 од каде што треба да ја подигнам. Влегувам таму, барам кој е шалтерот за пратки (првиот од лева страна) и го давам известувањето на љубезната типка што работеше таму.

Кликни на сликите за поголема верзија

Веднаш ми го донесе пакетот, ми побара лична карта и да платам само 75 денари. Тоа е најверојатно за делот handling од shipping & handling. Се потпишав на два формулари и тоа беше се. Следи најинтересниот дел... отварање на пакетот!

Колку јас што приметив, не чепкале од царина многу или ептен добро вратиле све на место. Во секој случај, професионално си ја завршиле работата затоа што нити фалеше нешто од пакетот, нити пак ми наплатиле некоја додатна царина (која не постои за компјутерски делови).

Значи нарачките преку интернет стигаат во Македонија, барем овие што се од Play-Asia.com (значи од Хонг Конг). Сега да го испробам LCD TopGun-ов и ќе следи review за него.

Контакт

2007-08-22T13:40:00.002+02:00

Доколку сакаш да ме контактираш за било што, слободно можеш да го направиш тоа или преку Skype

или со пополнување на овој формулар:

Freight Tycoon Inc.

2007-08-21T04:59:00.001+02:00

Додека чекам да пристигне нарачаната пратка, почнав да играм една интересна игрица со... испорачување на пратки.

Се работи за руска направија издадена од фирмата 1C, кој иначе се едни од ретките што скоро секогаш издаваат иновативни игри кои се различни од сите други и што уствари вредат да се играат.

Твојата улога е сопственик на шпедиторска компанија каде почнуваш со една скапана канцеларија (да, може да се види и ентериерот на зградата), купуваш гаража, камиони со или без приколици, најмуваш возачи, директори, менаџери, техничари, склучуваш договори со фабрики, продавници и трговски центри и пробуваш да ги исполниш истите.

Еве како изгледа официјалниот треилер од играта:

Пошто овде е прикажано само интрото, слики од вистински гејмплеј може да се најдат на http://www.1cpublishing.eu/game/freight-tycoon-inc/overview

Ако ти се свиѓаат Tycoon типот на игри или ја имаш играно Industry Giant II, дефинитивно ти ја препорачувам оваа.

Нарачување преку интернет

2007-08-12T12:57:00.001+02:00

Пошто ретко се наоѓаат информации за нарачки преку интернет, испорака во Македонија, како оди целата процедура и дали воопшто стигаат, сакам да го испробам целиот тој систем.

Најпрво барав нешто што би вредело да се нарача. Изборот падна на EMS LCD TopGun. Цената му е околу 1600 денари, тежи некаде 1.1 килограм и е перфектен кандидат за нарачка (освен ако не го помешаат негде успат со вистински пиштол).

Ова е нешто слично како пиштолот од Nintendo и играта Duck Hunt каде се пукаа патките и после кучето ги собира, но разликата е што овој е првиот ласерски пиштол (играчка) што работи и на LCD монитори.

Ги контактирав луѓето од EMS за подетални информации околу цената на испорака и начинот на плаќање, но дознав дека може да се плати само преку PayPal кој не го почитувам многу ради тоа што сеуште нема подршка за Македонија.

Како алтернатива ги најдов Play-Asia.com кои примаа директно кредитни картици и испорачуваат во Македонија, што значи дека сите услови се исполнети. Кликнувам да нарачам и по правило мора да регистрираш нов акаунт. Ги внесувам личните податоци и адресата за испорака и следно е да одберам начин на испорака.

Има 3 начини, UPS, Забрзана пошта и Авионска пошта. Со UPS испораката стига за околу 3 работни дена и во секој момент можеш да провериш преку интернет каде моментално се наоѓа пратката. Истото важи и за забрзаната пошта, но бидејќи овие коштаат преку 4400 денари само за испораката (што е поскапо и од самиот пиштол), одбрав обична Авионска пошта која беше негде околку 700 денари за пакет до 2 килограми.

Со Авионската пошта нема следење на пакетот и доставата обично трае недела до две, но може да трае и повеќе од 4 недели.

Следниот чекор е внесување на бројот од кредитната картица. Користам MasterCard Light од NLB Тутунска Банка бидејќи е една од ретките картички што ја примаат секаде на интернет.

Ги проверуваш уште еднаш сите податоци, кликнуваш на потврди и ОП... слушаш како магично се одливаат пари од твојата сметка со замислениот звук на отварање на каса. И сето тоа со еден едноставен клик на маусот... малце е језиво.

После ова, преку товојот акаунт во секој момент можеш да ја провериш состојбата на нарачката: дали ја верификувале исплатата, дали ја спремиле нарачката и дали ја испратиле преку пошта. Ако претходно одбра некои од поскапите начини на испорака ќе ти каже и каде се наоѓа пратката во моментот и што прават со нејзе, а ако не, тука завршува со следењето.

Кај мене пишува дека е испратена преку пошта на 10 Август. Ќе видиме што ќе се случува понатаму.

Продолжува...ТУКА

Сите досегашни наслови

2007-08-06T17:03:00.009+02:00

Во чест на третиот роденден на овој блог, собрани се сите досегашни постирања на една страна заради полесна навигација. Оваа листа ќе биде апдејтувана со секој нов наслов, а постојан линк до нејзе се наоѓа на десната страна.

Fix за unlock на iPhoneOS 3.1.2

Македонска Тастатура за iPhone 3.0

Анти-спортисти на Македонија

Нарачај си маче преку интернет

I Guess You'll Do

Колку те ограничиле тебе?

Стресот и спориот интернет

Forex: Стигнаа парите од берзата

Forex: Повлекување на профитот

Forex - Берза на девизи

6 SIM картици во една

The Sword of Alexander (Taitei no ken)

Две SIM картички во било кој мобилен телефон

Инсталирање на Thermalright HR-05-SLI

Стигна нарачката од QuietPC

Македонија на QuietPC.com

Прашај го Петар

Стај се на SKYPE од твојот мобилен телефон - бесплатно

Стај се на MSN од твојот мобилен телефон - бесплатно

Купување оргинална музика од Amazon.com

Купување оргинални игри преку eBay: The Orange Box

Спиење до касно

Бучен Кулер: Slim Верзија

Бучен Кулер

Купување преку eBay: Стигна Пратката

Купување преку eBay: Плаќање

Купување преку eBay: Оспорување Трансакција

Купување преку eBay: Заробени Девизи

Купување преку eBay: Наоѓање Продавач

Купување преку eBay: Скандалот со AllPCDeals.com

EMS LCD TopGun Review

Нарачување преку интернет: Стигна пратката

Freight Tycoon Inc.

Нарачување преку интернет

Како се раѓа љубовта

A4 Tech PK-130MG Webcam Review

СРЕЌНА НОВА 2007 ГОДИНА!

Relax T-Mobile

Windows Vista

BitComet 0.70 на Македонски Јазик

Митови и Факти за Алкохолот

Плагијат - Као Здравко Чолиќ

Што е тоа ТОРРЕНТ и како да го симнам?

Да видиме до кај сме стигнале...

Све преку GoogleTalk

WWW.THEREDGUY.COM

Back Online: The Internet Saga

Работи кои Телеком несака да ги знаете

Ај аирлија, МТнет ни го ограничија интернетот на 4 GB

BLOG SPAM

Мац мац

Dođi na morski greben, tamo ću da te jeeee...

Manga Кукла

Sven Bomwollen 004 XXL

Што се дешава со игрициве денес???

Читај Македонски! HTML верзија...

Македонски Торрент Тракер

Читај Македонски!

Special Effects

The Truth About Linux

Завршна сметка на Македонски Телекомуникации за 2004 (од Матав)

Нова верзија на cFosSpeed 2.02

Download Counter-Strike Maps

Ај нека ни е среќна Новата Година по две илјади и петти пат

Лошите си прават монополи, а добрите се затвораат: A Robin Hood Story

(NO) COMMENT Бисерчиња

Неколку дена пред 2005 година, а АДСЛ-от на МТнет е тапа

За побрз интернет на DSL, cFosSpeed

Играј за посетители

Airline 69 Walkthrough - The Maltese Falcon

Па ова изгледа ќе да може и на кирилица...

Found Nice New Game

Големо фала за сите досегашни посети,
The RED GUY

Како се раѓа љубовта

2007-07-30T01:48:00.001+02:00

Конечно ја најдов која е песната што деновиве ми се врти у глава. Типката што ја пее се вика Gianna Nannini, а песната е Meravigliosa Creatura (Acustica). Ова во заградата е пошто постои и постара верзија од истата песната.

Оргиналниот текст е:

Molti mari e fiumi
attraversero
dentro la tua terra
mi ritroverai
turbini e tempeste
io cavalchero
volero tra il fulmini
per averti

Meravigliosa creatura sei sola al mondo
meravigliosa creatura paura di averti accanto
occhi di sole mi bruciano in mezzo al cuore
amore e vita meravigliosa

Luce dei miei occhi
brilla su di me
voglio mille lune
per accarezzarti
pendo dai tuoi sogni
veglio su di te
non svegliarti
non svegliarti
non svegliarti....ancora

Meravigliosa creatura
sei sola al mondo
meravigliosa paura d'averti accanto
occhi di sole mi tremano le parole
amore e vita meravigliosa

Meravigliosa creatura un bacio lento
meravigliosa paura d'averti accanto
all'improvviso tu scendi nel paradiso
muoio d'amore meraviglioso

Meravigliosa creatura
Meravigliosa
occhi di sole mi bruciano in mezzo al cuore
amore e vita meravigliosa

вака нешто би бил преводот:

Gianna Nannini - Wonderful Creature

Many seas and rivers
I will cross
inside your land
you'll meet me again
whirlwinds and storms
I will ride
I will fly between lightnings
to conquer you

Wonderful creature
you're alone in the world
wonderful fear
of being close to you
eyes of sun
are burning in the middle of my heart
love is life
wonderful life

Light of my eyes
you're shining over me
I want thosands of moons
to cherish you
I'm hanging on your dreams
I'm watching over you
don't wake up, don't wake up,
don't wake up yet…

Wonderful creature
you're alone in the world
wonderful fear
of being close to you
eyes of sun
my words are trembling
love is life
wonderful life

(instrumental)

Wonderful creature
a slow kiss
wonderful fear
of being close to you
and suddenly
you arrive from paradise
I'm dying from love
wonderful love

wonderful creature
wonderful...
eyes of sun
are burning in the middle of my heart
love is life
wonderful life

а MP3 верзијата ја има ОВДЕ!

Апдејт од 17.09.2007: Пошто на EvilShare почнаа многу брзо да ги бришат линковите, сега песната е хостирана на YouShare.

A4 Tech PK-130MG Webcam Review

2007-07-19T19:44:00.001+02:00

Во последно време многу почнав да глеам клипчиња на YouTube и се попалив за Веб-Камерче. Имам едно во „архива“ од пред 6-7 години, но нема драјвери за 64-битниот Windows, а и квалитетот на сликата е… па као пред 6-7 години.

Се одлучив за А4 Tech PK-130MG Warrior LiveCam со 1.3 мегапикселен CMOS сензор и со хардверска резолуција од 1280 х 1024. Тоа што ми беше важно е дека има драјвери за XP 32-bit и 64-bit, (и за Vista 32-bit, доколку некој воопшто ја користи) и дека снима со 30 фрејма во секунда на резолуција од 320х240, 640х480 и на 800х600, а со 15 фрејма на 1280х960. Исто така има и вграден микрофон со поништување на ехото, а вкупната цена е 1520 денари во Anhoch.

Кликни на сликите за да ги видиш на цел екран.

Камерчето изгледа пристојно, со квалитетна завршница на пластиката (наликува како полирано) и во стилот на витешки оклоп за глава. Флексибилниот гумиран држач му овозможува да стои и на маса и на LCD монитор. Одозгора е копчето за инстант сликање, кое е осветлено со плава лед диода за лесно лоцирање во темница, а едноставниот поклопец за леќите многу често се наоѓа корисен кога во сред видео-конференција сакам да ставам некој на „MUTE“ без да ја исклучувам конференцијата.

Кликни на сликите за да ги видиш на цел екран.

Иако на официјалната страна пишува дека камерчето е почнато со производство Декември 2006, ме изненади што на цд-то кое доаѓа со него стојат драјвери од Мај 2007 кои се уствари и најновите драјвери. Ова првпат до сега ми се случува да неморам да ги симнам најновите драјвери од интернет (макар да ја уште пред да го купам си ги симнав, 50МБ се).
Ново: Додека го пишував ова, проверив на страната и има нови драјвери постирани на 18.08.2007

Инсталацијата е едноставна. Го тураш цд-то, бираш дали сакаш х32 (за Win 98, 2000, XP и Vista) или х64 (само за Windows XP 64-bit), го рестартиташ копмјутерот и ОТПОСЛЕ ја приклучуваш камерата. Пожелно е да се уклучи на USB 2.0 порта ради максимални перформанси, но компактибилна е и со постарите USB 1.1. Ако ги инсталираш мануелно драјверите, нема да се копираат фајловите потребни за филтрите, па ќе мораш накнадно да ги копираш во Windows фолдерот.

Кликни на сликите за да ги видиш на цел екран.

Квалитетот на сликата е одличен, можеби меѓу најдобрите што може да се постигнат со веб-камера. Автоматското подесување на бојата и експозитурата на камерата многу добро си ја вршат работата и прават сликата да изгледа квалитетна во било кој дел од денот. Опцијата „Low Light“ овозможува видлива слика и во темница со мониторот како единствен извор на светлина.

Нешто што неможев да направам со оваа камера е да ги постигнам тие 30 фрејма у секунда без разлика на која резолуција и дали со RGB24 или YUY2 боја. Тоа што ми беше чудно е дека и на поголема и на помала резолуција од 320х240 ги добивав истите FPS, некде помеѓу 14 и 19, па почнав да се сомневам или во драјверите или во DirectShow филтрите на Windows-от. Ако имаш постигнато некако 30 фрејма со било која камера, остави ми коментар. После открив дека доколку ги исклучам сите автоматски подесувања и ги подесам рачно на камерата, можам да добијам до 25 фрејма на 320х240, но тоа е максимум.

Професионалниот манекен од фотосот е најмен заради презентацијата. Доколку сакаш да го ангажираш и ти за твојата следна модна ревија, остави порака во коментари.

Интересен бонус додаток е опцијата наречена „Face Tracking“. Кога е уклучена, камерата автоматски зумира и ја врти сликата за фацата да ти биде во гро план. Можна е и опција слика-во-слика која се појавува доле-десно и на која, освен фацата, се гледа и целата позадина.

Face Tracking исто така се користи и за ставање на разни додатоци на сликата. На пример може да си ставиш наочари, капа или маска која ќе го следи твоето движење. Може да ставиш друга позадина како и да направиш целата позадина да биде маглива.

Напомена: Овие додатни опции работат само на резолуција од 320х240 и сеуште не се достапни за 64-битната верзија.

Обично не инсталирам софтвер кој доаѓа со цд-еата кога ќе купам нешто, но сеа иам партиција со Vista која не служи за ништо друго, па викам ај малце бета-тестирање. Софтверот од камерата се вика „VP-EYE“, кој има алакти за едитирање на филмови, слики, правење честитки, оставање видео пораки и 3 игри (BlackJack, Fishing и Gopher) кои се играат само со камера. Доколку веќе не користиш некој друг професионален софтвер за едитирање, овие алатки ќе ти завршат работа.

Добри работи:

Хардверски резолуција од 1280х1024 - 1.3 мегапиксели

Многу добра слика и автоматско подесување

Драјвери за Win 98, Win 2000, XP 32-bit, Vista 32-bit и XP 64-bit

Вградено микрофонче со канселирање на ехо

Face Tracking

Верифициран USB 2.0 проток

Постоље за на маса и за на LCD монитор

Последно, но меѓу најважните: Цена

Лоши работи:

Не постигна 30 фрејма на ниедна резолуција, барем со овие драјвери
USB кабелчето би можело да биде подолго, вака мора продужен доколку не го користиш на лаптоп
Микрофончето би можело да биде погласно

На XP x64 максимална резолуција му е 640х480 и нема Face Tracking, пак е до драјверите

Се на се, А4 Tech PK-130MG Warrior LiveCam е солидна веб-камера со многу добар квалитет на слика и одлична цена. Најголемиот дел од недостатоците би можеле да се поправат со подобри драјвери, но времето ќе покаже колку се волни во тој поглед. Ми се свиѓа тоа што А4 Тech (слоганот им е Affordable Technologies) пробува да ја направи и најновата технологија достапна за корисникот и докажува дека моменталните цени се малце надуени (на пример некои од веб-камерите што коштаат и повеќе од 7000 денари).

СРЕЌНА НОВА 2007 ГОДИНА!

2007-01-01T20:35:00.001+01:00

ДА ЖИВЕЕ МАКЕДОНИЈА!

„Relax“ T-Mobile

2006-12-10T19:36:00.001+01:00

Windows Vista

2006-11-18T20:15:00.001+01:00

Новиот Windows после години одложување, конечно стигна и во мои раце. Нестрплив, одма зиам да ги сецнам двете партиции на 3 и го бутувам компјутерот од ДВД-то на Вистата.

Прво ме дочекува нов изглед, сосема различен од инсталацијата на XP (чао NT) и следува првото изненадување. Избирањето на држава и името Former Yugoslav Republic повторно се наоѓа десно од нашата земја. Изгледа дека и во наредната декада ќе не викаат така. Браво Илијанчо и „Мајкрософт Македонија“! Money well spent.

Постојат еден куп верзии на Vista, (Starter, Basic, Home, Bussines...), сите се на истото DVD и разликата е само кој сериски број се користи при инсталирање. Сите други освен Vista Ultimate се „осакатени“ верзии.

Сите варијанти (освен Starter) ги има како 32битни и 64битни. Моментално за 64битните верзии, драјверите и подршката се нула, т.е. скоро ништо не работи на нив (иако овие би требало да бидат подобрите верзии можеби во иднина).

Инсталацијата беше прилично брза, скоро во рамките на XP. Следува првото стартување... кое на големо изненадување беше исто прилично брзо. Од уклучување на комјутерот до десктоп делат некојси 30-тина секунди.

Кликни за поголема слика

Аххх, првиот 3D Windows. Ефектите, транспаренцијата, гаџетите и дотадните опции се нешто што ќе ви се свиѓа, барем додека е ново.
Тоа што нема да ви се свиѓа, се глупостите што Мајкрософт ги има ставено за да „ве заштии сами од себе“ кои на секое уклучување на било која програма прашува дали сте сигурни? Уште малце фали па и да прашува на секое отварање на фолдер и во исто време да предупредува за можните последици. Проблемот го прави уште поголем тоа што се скриени или многу неинтуитивно се поставени командите за исклучување на овие опции. Ако има потреба, ќе постирам упатство како да се исклучат (пиши у коментари). Искрено ова е повеќе досадно отколку заштитно. Поголема и поефиксна заштита има XP со инсталиран Zone Alarm Pro и NOD32.

Иако Вистата е финална верзија, голем број на драјвери се недовршени. Првото нешто што видов(слушнав) беше тоа дека неам звук. Да да, НЕМА драјвери за Sound Blaster Live!. За ова нема никаков fix на интернет, но успеав рачно да направам да работи и тоа со инсталирање на најновите драјвери за звучната наменети за Windows XP x64. Напомена: Драјверите од Windows XP НЕ СЕ КОМПАКТИБИЛНИ со Windows Vista! Но ете, овие ми завршија работа.

Повеќето програми за XP би требало да работат на Vista, но пошто скоро ниеден драјвер не работи, оние програми што се нешто помеѓу драјвер и апликација (како Nero, Alcohol 120%, Daemon Tools, Mainboard Controllers) НЕ РАБОТАТ сега за сега.

Игрите изгледаат како да се малку поспори, барем додека не се стави 2 GB рам. Од досега тестираните, Anno 1701 работи, а за NFS Carbon јавува како да не е инсталиран DirectX 9.

Најновата аномалија што ја открив е во Windows Live Messenger 8.0.0812. Имено, ако во Regional Options во Control Panel имате ставено United States наместо Macedonia, ќе имате МНООГУ повеќе опции достапни на месинџерот (како и многу повеќе реклами). Пробајте и ќе видите.

BitComet 0.70 на Македонски Јазик

2006-07-18T15:12:00.001+02:00

Новата верзија на најпопуларниот BitTorrent клиент одсега е достапна и на Македонски Јазик.

Преводот, заедно со BitComet 0.70 можете да го симнете преку Македонскиот Торрент Тракер од овој линк.

За подетални информации за новите карактеристики, посетете ја официјалната страна www.bitcomet.com

Митови и Факти за Алкохолот

2006-06-08T15:55:00.001+02:00

Тие што умерено конзумираат алкохол имаат подобро здравје и живеат подолго од тие што воопшто непијат, а и од тие што премногу пијат. Новите резултати од бројните истражувања потенцираат на еден ист заклучок: Умереното конзумирање на алкохол помага против срцеви напади, хипертермија, висок крвен притисок, перипетални артериски заболувања, Алцхејмерова болест, па дури и против обична настинка.

Исто така е корисно за намалување или превенција на дијабетис, ревматичен артритис, фрактури на коските и остеопороза, камен во бубрег, дигестивни проблеми, стрес и депресија, слаба меморија, Паркинсова болест, хепатитис А, рак на панкреас, макуларна дегенерација (главна причина за слепило), ангина пекторис, дуоденален чир, еректилна сисфункција, загуба на слух, галстон, заболување на црн дроб и лоша физичка состојба во староста.

Мит
Алкохолот ги уништува мозочните клетки
Факт
Умереното конзумирање алкохол не ги уништува мозочните клетки. Всушност често е поврзано со подобрено ментално функционирање.

Мит

Бело вино е добар избор за особа која сака лесен пијалок со помалку алкохол.
Факт
Чаша бело или црвено вино, флаша пиво, доза виски или друг жесток пијалок содржат исто количество алкохол и се покажуваат еднакво кога се анализира здвиот.

„Стандардна доза“ пијалок е:

0,330л Флаша или лименка пиво
0,150л Чаша вино
0,045л Жесток пијалок (чист или мешан)

Мит
„Пивски стомак“ се прави со пиење на пиво
Факт
„Пивски стомак“ единствено се прави од премногу јадење. Ниту пиво ниту друг пијалок не е заслужен за тоа.

Мит
Мешање на пиво, вино и жесток пијалок доведува побрзо до интоксикација отколку да се пие само еден тип на алкохолен пијалок.
Факт
Нивото на алкохол во крвта (BAC – Blood Level Alcohol) е тоа што ја одредува трезноста или пијаност. „Стандардна доза“ (прочитај погоре) на пиво, вино и жесток пијалоок содржи исто количество алкохол. Алкохол си е алкохол и пијалок си е пијалок.

Мит
Пиењето кафе помага за трезнење.
Факт
Само со време може да се отрезни човек... не со црно кафе, ладен туш, вежбање или било кој други такви „лекови“. Скоро кај сите алкохолот го напушта организмот константно по околу .015 проценти на BAC (ниво на алкохол во крвта) на час. Значи особа со BAC од .015 проценти ќе биде комплетно трезна за еден саат, додека особа со BAC десет пати поголем од тоа (.15) ќе и требаат 10 саати дур се отрезни. Ова е точно без разлика на пол, возраст, тежина или други слични фактори.

Мит
Долгорочното пиење предизвикува особата да стане алкохоличар.
Факт

Едноставно нема научна основа за оваа мисперцепција, што изгледа дека потекнува од прохибиционистичката идеологија.

Мит
Пиењето алкохол здебелува
Факт
Ова е многу често верување, дури и меѓу медицински професионалци бидејќи алкохолот има калориска вредност. Но екстензивни истражувања низ целиот свет докажуваат дека конзумирањето на алкохол не ја зголемува телесната тежина кај мажите, а кај жените дури ја намалува.

Мит
Алкохолот го запира растот кај децата и го ретардира нивниот развој
Факт
Научните медицински итражувања не ја подржуваат оваа приказна и тактика за плашње промовирана од Women's Christian Temperance Union, the Anti-Saloon League, the Prohibition Party и слични групи.

Мит
„Binge drinking“ е епидемски проблем по студентските домови
Факт
„Binge drinking„ клинични и општо гледано е период на продолжена интоксикација која трае барем неколку дена во кое време особата ги занемарива вообичаените животни активности. Малку унтиверзитетски студенти всушност го прават ова.
Проблемот е што често се случува некои студенти ако се напипјат барем 4 пијалоци (или барем 5 за мажи) во текот на цел ден, иако не се интоксинирани, одма им се лепи етикета на „Binge drinkers“. Ова лажно ја дува бројката. Во реалност бројот на ваквите случаеви се намалува, како и бројот на тие што пијат многу.

Мит
Маж и жена од иста висина и тежина исто можат да пијат.
Факт
Жените побрзо ги „фаќа“ алкохолот бидејќи имат малку поголема пропорција на масно отколку мусклулно ткиво, така што се концентрира алкохолот малку повеќе во нивното помало ниво на вода во организмот. Исто така имаат помалку од ензимот (dehydrogenase) што го разградува алкохолот, а и хормоналните промени во нивниот менструален циклус исто може да влијае на абсорпцијата на алкохол до некој степен.

Мит
Една единтвена голтка алкохол од страна на трудна жена може да допринесе да има проблеми со фетусот (FAS – Fetal Alcohol Syndrome)
Факт
Екстензивни медицински истражувања проучувајќи илјадници жени од целиот свет не наоѓаат цврсти научни докази дека лесното пиење, уште помалку една голтка алкохол на трудна жена, може да предизвика FAS. Во секој случај, најсигурно е целосно да се апстинира во текот на гестацијата.

Мит
Луѓето кои апстинираат од алкохол се Alcohol-Free
Факт
Самиот организам нормално си произведува алкохол 24 часа секој ден од раѓањето до крајот на животот. Така да секогаш имаме алкохол во нас.

Мит
Злоупотребата на алкохол е проблем кој се зголемува меѓу младите луѓе
Факт
Во реалноста, тешката злоуботреба на алкохол меѓу лица 17 години и помлади е намалена за две-третини (65.9 проценти) помеѓу 1985 и 1997 според истражувањето спроведено од владата во Америка. Пропорцијата на млади луѓе кои конзумирале било каков алкохол претходниот месец паднала од 50% на 19% во истиот период. Други итражувања исто документираат опаѓање на пиењето и на злоупотребата на алкохол помеѓу младите луѓе. Тоа важи и за сообраќајките поврзани со алкохол меѓу младите луѓе. Смртните случаи поврзани со млади пијани возачи на возраст помеѓу 16 и 24 години се намалил скоро за пола (47%) во последните 15 години.

Мит
Луѓето во US се воглавно тешки конзументи на алкохол.
Факт
USA не е ни помеѓу првите 10 земји во конзумирање на алкохол. Листата се рачуна според формулата Жители на земјата / Конзумирање во Галони на апсолутен или чист алкохол. USA со конзумирање на 1.74 по човек е на 32-то место на листата

Top 10 Alcohol Consuming Countries

Portugal 2.98
Luxembourg 2.95
France 2.87
Hungary 2.66
Spain 2.66
Czech Republic 2.64
Denmark 2.61
Germany 2.50
Austria 2.50
Switzerland 2.43

Мит
Америка има меки закони за малолетничко пиење.
Факт
Америка има еден од најстриктните малолетнични закони за пиење во западниот свет, вклучувајќи ја и минималната возраст со која е дозволено конузмирање на алкохол која изнесува 21 година. Овде е и полисата на Нула Толеранција.

Мит
Рекламите за алкохол ги зголемуваат проблемите со пиењето.
Факт
Стотици научни истражувања низ целиот свет јасно покажуваат дека рекламите за алкохол не водат до зголемување на злоупотребата на алкохол или проблеми поврзани со пиење. Рекламирањето на алкохол продолжува бидејќи ефективни реклами можат да го зголемат учеството во пазарот на одредена марка.

Мит
Шишињата со текила содржат црвче
Факт
Нема црв во текилата. Тоа е жесток пијалок дистилиран од растение. Иначе тоа не е ни црв него пеперутка катерпилар (Hipopta Agavis) наречена gurano.

Мит
Луѓе кои „поднесуваат алкохол“ треба да се слават
Факт
Луѓе кои можат многу да пијат без да се интоксицираат најверојатно развиле толеранција за алкохол, што може да индицира почеток кон зависност

Мит
Многу животи ќе се спасат ако сите абстинираат од алкохол
Факт
Неколку животи ќе се спасат од несреќи предизвикани од интоксикација и од здравствени проблеми поврзани со злоупотреба на алкохол. Но всушност многу повеќе други животи ќе се загубат од зголемените срцеви проблеми. На пример од резултатите од 13 истражувања се прерачунува дека 135,884 додатни смртни случаи ќе има секоја година во USA само од коронарни срцеви заболувања поради абстиненцијата.

Мит
Пијанство и алкохолизам е едно исто
Факт
Многу луѓе кои не се алкохоличари некогаш стануваат интоксицирани или опијанети. Сепак, ако не се зависници од алкохол тогаш не се алкохоличари. Секако интоксикацијата никогаш не е комплетно сигурна или без ризик и треба да се избегнува. Подобро е или да се абстинира или да се пие умерено. Додека нормалното конзумирање на алкохол е подобро за здравјето и го продолжува животот, злоупотребата на алкохол се поврзува со многу несакани здравствени последици.

Мит
Алкохолот е причината за алкохолизам
Факт
„Алкохолот не предизвикува алкохолизам повеќе од што шеќерот предизвикува дијабетис“ е изјавата на една владина агенција за алкохол и потенцира дека доколку е така, тогаш сите што пијат треба да се алкохоличари. Вушност се верува помеѓу членовите на Alcoholics Anonymous (AA) дека луѓето се раѓаат алкохоличари и дека не стануваат од алкохол или од било што друго. Аргументираат дека се случува луѓе да се родат и да умрат како алкохоличари и без да се имаат напиено нити една голтка алкохол. Во секој случај, човек неможе да пие или да практикува алкохолизам без алкохол.

Проблеми со Прохибиција

За жал, прохибицијата доведува до големи алкохолни и други проблеми како смрт или онеспособување поради пиење контаминиран илегален алкохол, зголемување на организираниот криминал, зголемување на тешкото пијанство во моментите кога ќе се дојде до алкохол, голема загуба на даноци, обесхрабрување на умерената конзумација, општо непочитување на законите и многу други социјални зла.

Дури и ако некако е можно да се забрани конзумацијата на алкохол, луѓе кои имаат емоционални или психолошки проблеми и се зависни од него, едноставно ќе се префрлат на други мнгоу поопасни и нелегални субстанции.

Мит
Ако алкохолот е помалку достапен, ќе има помалку алкохоличари
Факт
Ова е идеа која е тестирана низ прохибицијата во многу земји. Нема асоцијација помеѓу дотапноста на алкохолот и алкохолизам.

Мит
Студентскиот живот доведува да почнат да пијат многу студенти кои претходно абстинирале од алкохол.
Факт
Според државните статистики, повеќето студенти имале искуство со пиење уште од претходно и дека пропорцијата не се зголемува многу низ факултетските денови.

Мит
Иако не е целосно неточно, но секако не е целата вистина, се претпотавува дека што помлади почнат децата да пијат, повеќе се сколни на проблеми со пиење подоцна.
Факт
Воглавно луѓето кои на своја рака почнуваат да пијат или многу порано или многу покасно од своите врсници, се посклони на субсеквентни проблеми со пиење. Ова изгледа резултира од фактот што таквиот однос рефлектира тенденција да се биде девијантен. Така што одложување на возраста кога ќе се испие првиот пијалок нема влијание на тоа дали ќе има проблеми со пиење бидејќи нема да ја смени постоечката предиспозиција да се биде девијантет и да се искуи проблеми со пиење. И секако, децата кои се учени на умереност од нивните родители, поретко имаат проблми со пиење и злоупотреба на акохол.

Плагијат - Као Здравко Чолиќ

2006-05-14T19:25:00.001+02:00

Насловот е инспириран од песната на Фламингоси - Као Здравко Чолиќ која се врти по радио деновиве. Немора да значи дека е добра, али откако ќе ја слушнеш едно 63 пути нормално ти велгува во памет и сеа цело време си пеам у себе „тра ла ла ла ла ... Као Здравко Чолиќ... та на на на на ... Као Здравко Чолиќ“ (пошто толку и знам од текстот :-)

Поводот за насловот е што пред некој ден си гледав еден филм и кога во позадина слушам позната мелодија. Откако помина лаг од едно 10 секунди, ми светна дека е песната Јако Јако Слабо Срце Заводиш од Здравко Чолиќ и ме изненади што бара сеа таа песна во Холивудски филм??? Али кога бекна пеачот, глеам дека ништо не разбирам од текстов, ми доаѓа она „колку убаво зборува... се прашувам што ли кажува“, испадна дека не бил Здравко Чолиќ него Таха Рахид. (Не е дека имав појма како се вика пеачот него видов после на крај на филмот во изведувачи).

Песната иначе се викала Ya Rayah и кога ги споредив двете што да видам, све је исто само Чола нема... Дури и рефренот ја-ра-ја-ха звучи како јако јако. Тоа што највише иритира е што истите тие* што цело време зборат против т.н. пиратерија и демек се борат за заштита на авторски права, самите они прават нешто што е веќе вистински криминал.

Ако ве мрзи да ги барате или неможете да ги најдете, ОВДЕ можете да ги споредите и двете песни.

*Под „тие“ не се мисли на Здравко Чолиќ, него општо на продуцентите и издавачките куќи.

Што е тоа ТОРРЕНТ и како да го симнам?

2006-04-10T15:31:00.001+02:00

Во кратки црти кажано, Торрент е најчесто поголем фајл, може да биде на пример цела игра, филм, музички албум, видео спот, некој програм и сл.

Системот преку кој се пренесуваат торрентите се вика БитТоррент. Тој е следната генерација на трансфер на податоци на интернет, а како функционира тој подетално има на www.theredguy.com/2005/05/blog-post.html

Најдов еден таков фајл и го симнав, ама се што добив е фајловче од неколку КБ од типот на „NestoNesto.torrent“. Што е финтава?

Тоа што сте го симнале не е целиот фајл, туку само неговиот torrent hash (значи нешто како само насловот) кој содржи упатство како да се симне целиот фајл.

Добро и еве најдов нешто што ми треба во форма на торрент. Сега како да симнам?

1. Прво нешто што ви е потребно е програм за симнување на торренти. Еден од најдобрите, а воедно и најлесен за користење е BitComet. Него може бесплатно да го превземете од www.bitcomet.com

2. По инсталацијата на BitComet, тој претежно сам си се конфигурира за работа, па немора скоро ништо да менувате (освен ако сакате). Исто така се асоцира со .torrent екстензиите, така да сега може директно да кликнете на фајловчето кое претходно сте го симнале и ќе ви се отвори во BitComet.

3. Значи торрентот го отварате или со кликнување на него, или преку BitComet со менито „Open“ и селектирање на фајлот.

4. Со ова ќе ви се отвори ново прозорче каде можете да одберете каде сакате да го симнете целиот торрент фајл или пак можете да одберете (со штиклирање на поединечните фајлови) кои делови ги сакате доколу има таква опција.

5. И тоа е тоа. По овој чекор, торрентот ќе почне да се симнува. Преку интерфејсот ќе имате податоци (од лево на десно) за името на торрентот, неговата големина, колку % е симнат, моментална брзина на симнување во КБ/сек, моментална брзина на качување во КБ/сек, предвидено преостанато време дур се симне, однос на seed-ери/leech-ери и однос колку сте качиле/симнале.

Со БитТоррент системот, исто така, можете во секое време да прекинете и да продолжите со симнување/качување на било кој торрент со едноставно кликнување на опциите

НАПОМЕНА: БитТоррент фукнционира на принципот зимаш колку што даваш. Затоа трудете се односот качено/симнато да ви е барем 1:1, што значи не го исклучувајте торрентот веднаш штом го симнете, него оставете да качува малку и кон другите. Бидејќи и вие сте го симнале целиот фајл благодарение на некој друг кој оставил да се качува кон вас.

Да видиме до кај сме стигнале...

2006-03-28T22:12:00.001+02:00

Поминаа неколку месеци од „брилијантната идеја“ на МТнет да воведе лимит на трасфер и хаосот кој го створи со отсекувањето на Македонија од сајбер-просторот. Како и да е, многу раобти се случија од тогаш, влегоа нови провајдери, се создаваа нови здруженија за борба против монополот и за подобар интернет, паднаа мулти-милионски донации, договори, купопродажби на провајдери и еве како сето тоа влијаеше за да се дојде до моменталната состојба:

Најпрво еве какви се цените за интернет услугите во соседните земји и во Европа, а по нив следи и актуелната понуда во Македонија. (Може да се направи и споредба со претходните цени објавени на http://www.theredguy.com/2005/10/blog-post.html)

Напомена: Сите цени објавени овде се со 512 Kbps download или подобри и, нормално, без никакви ограничувања на сообраќај, п2п, порти итн. Цените се во Македонски денари и во нив е вклучен и ДДВ.

Цени за АДСЛ во Србија:

1. VeratNet

512Кbps download / 128Кbps upload
Јавна Динамичка IP адреса
Веб Хостирање и простор од 5 MB
E-mail 10 MB

Неограничен Маил Сообраќај

Неограничен p2p (нема филтрирање на порти)

1600 МКД месечно

2. YUBC System

512Kbps download / 128Kbps upload
Динамичка IP адреса
E-mail 100 MB

Неограничен сообраќај со теоретска можност за симнување 160ГБ

Бесплатно користење на ADSL модем и сплитер
2200 МКД месечно

3. SezamPro

512Kbps download / 128Kbps upload
Динамичка IP адреса
3 E-mail адреси
50 SMS поркаи
Бесплатно користење на ADSL модем и сплитер
2200 МКД месечно

4. BitsyuNet

512Kbps download / 128Kbps upload
Unix Веб Хостирање и бесплатна регистрација на .yu domain
10 E-mail адреси

Можност за фиксна IP адреса
2600 МКД месечно

5. Beocity

512Kbps download / 128Kbps upload
1800 МКД месечно

6. BeotelNet

512Kbps download / 128Kbps upload
Динамичка IP адреса
E-mail адреса
Бесплатно користење на ADSL модем и сплитер
Овозможува симнување/качување 160GB/40GB
1900 МКД месечно

Цени за АДСЛ во Грција:

1. OTE

512Kbps download / 128Kbps upload
1200 МКД месечно

2. Vivodi

512Kbps download / 128Kbps upload
1200 МКД месечно

Цени за АДСЛ во Бугарија:

1. БТК

512Kbps download / 128Kbps upload
Статична IP адреса
40 E-mail адреси
Нема ограничување на бројот на корисници на една линија
Бесплатна регистрација на domain
Бесплатно користење на ADSL модем и сплитер
1100 МКД месечно

2. Bol.bg - не е ADSL

5 Mbps download во Бугарија
512 Кbps download / 256Kbps upload за надвор
850 МКД месечно (за преку кабловски е 1000 МКД)
Благодарение на овој провајдер, Dial-Up конекцијата во цела бугарија е БЕСПЛАТНА (http://www.bol.bg/free/)

3. Megalan - не е ADSL

7.2 Mbps download во Бугарија
720 Кbps download / 320Kbps upload за надвор
850 МКД месечно (за преку кабловски е 1000 МКД)

Цени за АДСЛ во Холандија:

1. Kpn

1.5 Мbps download / 256Kbps upload
E-mail адресa
Нема ограничување на бројот на корисници на една линија
Бесплатен Multi-PC ADSL модем
600 МКД месечно

2. Tiscali

992Kbps download / 320Kbps upload
E-mail адресa
Бесплатен ADSL модем
Бесплатни Телефонски разговори
1500 МКД месечно

3. CompuServe

2048Kbps download / 830Kbps upload
E-mail адресa
Бесплатен ADSL модем
Бесплатни Телефонски разговори
950 МКД месечно

Цени за АДСЛ во Франција:

1. Cegetel

ADSL 2 - 20Mbps download / 1Mbps Upload
TV Програми
Бесплатни неограничени разговори во цела Франција
900 МКД Месечно

2. Club-Internet

ADSL 2 - 24Mbps download / 1Mbps Upload
Бесплатни неограничени разговори во цела Франција
1200 МКД Месечно

3. Freebox

ADSL 2 - 20Mbps download / 1Mbps Upload
200 TV Програми (Canal+ и CanalSAT)
Бесплатни неограничени разговори во цела Франција
1800 МКД Месечно

Цени за АДСЛ во Велика Британија:

1. Bethere

ADSL 2 - 24Mbps download / 1.3Mbps upload
Статична IP Адреса
Бесплатен модем со 4 Ethernet 100 Mbps порти и 54 Mbps 802.11 b/g wireless interface
2 voice over broadband ports
1 analog back-up
2200 МКД Месечно

2. Е7

2 Мbps download / 256 upload
Неограничено E-mail Адреси
Web hosting со 50 MB web простор
Бесплатна регистрација и хостирање на domain
SMS нотификации
Dial-Up Back Service
1400 МКД Месечно

Цени за АДСЛ во Унгарија:

1. Invitel

1 Mbps download / 128 Kbps upload
E-mail Адресa
Web hosting со 10 MB web простор
Бесплатна Инсталација
1250 МКД Месечно

2. Т-Online или Matav, сопственикот на MTnet

1024Kbps download / 128 upload
E-mail Адресa
Web hosting со 10 MB web простор
Бесплатна Инсталација
1300 МКД Месечно

3. UPC - Главниот конкурент на Matav T-Online

2.5 Mbps download / 512 Kbps upload
E-mail Адресa
Бесплатен Принтер HP photoprinter заедно со се фото-хартија
Бесплатни Телефонски разговори
Бесплатна Инсталација
2100 МКД Месечно

Воглавно се приметува дека во изминатиов период се понудени уште поголеми брзини, намалување на цените, како и воведување на нови услуги. Во областа на АДСЛ, тој се заменува со АДСЛ 2 и можностите за бесплатна телефонија и следење на телевизиски програми со HDTV резолуции.

Еве за споредба и како се движат моменталните понуди во Македонија:

1. МТнет

512Kbps download / 128Kbps upload
64Kbps download / 64Kbps upload после 4GB ограничување или + 175 МКД + 18% ддв за секои наредни 512 MB
1 Е-mail адреса
1 Динамичка IP адреса
10 SMS пораки
Инсталација 2900 МКД (модемот го изнајмувате, што значи после мора да го вратите безразлика што сте го платиле)
3000 МКД месечно
2200 МКД месечно со склучување на 2 годишен договор

2. Oн.нет Бежичен

768Kbps download
8GB ограничување
1 Е-mail адреса
Инсталација 3900 МКД (опремата ја изнајмувате, што значи после мора да ја вратите безразлика што сте ја платиле)
2350 МКД месечно со склучување на 2 годишен договор

3. Телекабел/Теленет

512Kbps Download / 128Kbps Upload
256Kbps Download / 128Kbps Upload после 3GB ограничување
1 Е-mail адреса
1 Статичка IP адреса
Телефонија

Инсталација 2900 МКД (опремата ја купувате, што значи после останува кај вас)
1500 МКД месечно

4. МОЛ Бежичен

384Kbps Download / 64Kbps Upload
64Kbps download / 64Kbps upload после 2GB ограничување или + 100 МКД за секои наредни 500 MB
4 Е-mail адреси
1 Статичка IP адреса
Инсталација 1800 МКД (опремата ја купувате, што значи после останува кај вас)
1500 МКД месечно

5. Зора Кабелски

512Kbps Download / 512Kbps Upload
64Kbps Download / 64Kbps Upload после 5GB ограничување
1 Е-mail адреса
1 Статичка IP адреса
Телефонија

Инсталација 2900 МКД (опремата ја купувате, што значи после останува кај вас)
1500 МКД месечно

6. Кадис

512Kbps Download / 512Kbps Upload
128Kbps Download / 128Kbps Upload после 6GB ограничување
2 Е-mail адреса
1 Статичка IP адреса
Интранет сообраќај (100 Mbps со корисници на ист сегмент / 1 Мbps со останатите корисници на КАДИС, ограничување после 8 GB)
Инсталација 3000 МКД
1490 МКД месечно + 200 МКД за интранет сообраќај

Во глобала гледано, има мало подобрување во однос на понудата но сеуште е далеку од тоа што треба да биде. Многу е битно да се урне монополот на Македонски Телекомуникации за да вистински се подобри ситуацијата.

Макар да со тоа што Словенски телеком го откупи Он.Нет, а него се остри да го купи Deutche Telecom кој е сопственик на Matav, а Matav е споственик на Македонски Телекомуникации (или просто кажано, ист ќе биде сопственикот и на Он.Нет и на МТнет) може уште повеќе да се забетонира монополската позиција која вака може да биде дури и легална.

Алтернатива се кабловските оператори (за оние среќници кои се покриени) кои во исто време се и најдобра понуда. Тоа што за поефтини пари даваат подобра услуга, како бонус и телевизиски програми, а и надеж за фиксна телефонија.

Во моментов од кабловските дефинитивно води Телекабел/Теленет како најбоља понуда.

Позитивно е и воведувањето на Интранет (локален) сообраќај на Кадис, само не ми е јасно со кој памет и на локалниот сообраќај ставиле ограничување ?!

Доколку имате сигурни и проверени податоци за понудите на другите провајдери низ Македонија, кажете за да ги ставиме во листата.

Све преку GoogleTalk

2006-03-20T06:30:00.001+01:00

Комуницирај со корисници на MSN, Yahoo! Messenger, ICQ, AIM, IRC, Gizmo и Jabber и тоа преку GoogleTalk. Ова ми беше помислата кога ќе погледнам колку икончиња имам до саатот за да бидам во контакт, па после дооолго замарање со оваа „проблематика“ решив да ги споделам резултатите во вид на упатство за да немора и вие да се малтретирате.

Нормално, секој си има свој вкус, веќе си одбрал одреден IM (Instant Messaging) клиент на кој си се навикнал и има одреден круг на луѓе со кои комуницира преку него. Па оди после убеди ги да ги сменат. На сите аргументи од типот: „земи го овој/оној месинџер, побрз е, подобар, полесен, понов, понезависен, поотворен...“, најчесто следи дефаулт одговор „неее бе, мене овој ми е добар. Ја се иам навикнато, а и повеќето пријатели ми се на него. А ти шо не земеш да го инсталираш...“

Нажалост тоа што го има кај обичните телефонски линии т.е. можноста од било кој телефон (ако не ти е исклучен поради неплатена сметка) да се јавиш на било кој друг во светот без разлика преку кој телеком си приклучен, ја нема и кај IM и VoIP. Провајдерите на IM иако услугата ја даваат бесплатно, себично сакаат да го задржат монополот. Имено тие што се корисници на MSN Messenger можат да разговараат само со луѓе кои го имаат истиот програм, а неможат да комуницираат со на пример тие што се на Yahoo! Messenger или пак ICQ. Ова е така затоа што компаниите се надеваат дека ако сакаш да збориш со луѓе на друг IM, ќе го инсталираш и тој програм, па нема да си ствараат конкуренција меѓу нив самите.

Али проблемот е за да бидеш у контакт со сите, ќе треба да ги имаш инсталирано и подесено сите програми, па од икончиња у System Tray да неможеш да го пронајдеш ни саатот. А да не збориме колку го успоруваат компјутерот...

Барајки решение за овој проблем, ме израдува кога видов дека Google ги отворил серверите на GoogleTalk за интерконекција со другите Jabber сервери. Ова едноставно кажано значи дека сега преку него може да комуницирате и со пријателите кои се на други IM.

А за тоа ќе ви помогне следново упатство:

Значи основно што ви треба е GoogleTalk. Ако веќе го немате може бесплатно да го симнете од ОВДЕ, а и да си отворите акаунт и е-маил адреса.

Следно што ќе ви треба е бесплатниот Jabeer клиент PSI достапен ОВДЕ. Овој е солиден Jabber клиент, можда и ќе сакате и да го задржите, но тука ни е потребен само за конфигурирање, а после ако не го користите може и да го избришете.

Откако ќе го инсталирате, при првото укллучување ќе ви се појави прозорецот за креирање на акаунт. Овде пишувате име на пр. GoogleTalk и кликнувате на „add“. Исто така „Register New Account“ не треба да биде штиклирано.

Во Jabber ID ја внесувате вашата емаил адреса на Gmail (vasaadresa@gmail.com), а во Password, вашата лозинка на Gmail.

Потоа кликнувате горе на „Connection“ и

Штиклирате „Use SSL encryption (to server)“
Штиклирате „Ignore SSL warnings“
Штиклирате „Allow Plaintext Login“
Штиклирате „Send "Keep-alive" packets (for NAT timeouts)“
Штиклирате „Manually Specify Server Host/Port:“

Внесувате „talk.google.com“ во полето „Host:“ а во полето „Port:“ треба да остане „5223“

Кликнете на „Save.“

Со ова PSI е конфигуриран за вашиот Gmail акаунт. Следно е контактите од другите месинџери да ги ставиме на него.

Сега одете на „Service Discovery“ и во полето за адреса внесете некој Jabber сервер. Можете да го користите ursine.ca но можете да изберете било кој сервер од оваа листа.

Кликнвате на „Browse“

Ова ќе ви ја прикаже листата на сите транспорти кои ги подржува тој сервер.

Сега, доколку сакате да ги префрлите контактите од MSN Messenger, со десен клик кликнувате на „MSN Transport“ и одбирате „Register“. (Иста е процеурата за сите други IM)

Во полето за Username ја внесувате вашата е-маил адреса на Hotmail која ја користите за MSN Messenger (значи vasaadresa@hotmail.com) и лозинката за истата.

Штом го направите ова, PSI ќе се конектира на акаунтот, ќе ги симне сите контакти и ќе ги спои со тие на GoogleTalk. Овде за секој поединечен контакт ќе ви побара дозвола дали да го додаде, која ќе треба да ја потврдите со кликнување на „Add/Auth“

После ова сите контакти ќе ви бидат доодадени на листата на вашиот Gmail акаунт. Сега може слободно да го исклучите PSI и да го стартувате GoogleTalk и сите пријатели од MSN Messenger ќе ги најдете на вашата листа и ќе може директно да комуницирате со нив.

Сега нема повеќе ни да ви треба PSI. Нови контакти може да внесувате директно преку GoogleTalk со кликнување на „Add Friend“ и внесување на адреса во форматот [nickname]@[transport.dns.name]. Пример вашиот пријател на MSN со адреса prijatel@hotmail.com го внесувате како prijatel%hotmail.com@msn.ursine.ca (немора да е ursine.ca, може да одберете било кој сервер од ЛИСТАТА на кој претходно сте се регистрирале)

Со ова, GoogleTalk го направивте да биде Универзален IM клиент.

Се надевам дека ви помогна упатствово да ги намалите непотребните програми и да го направи вашето chat искуство попријатно. Ако има некои прашања или нејасни работи, оставете коментар и ќе пробаме да ги решиме.

WWW.THEREDGUY.COM

2006-03-07T18:02:00.001+01:00

Баш ми е ќеиф да најавам дека е регистриран домејнот TheREDGUY.com и од сега тоа е и официјалната адреса на блогот (може и blog.theredguy.com).

Исто така и претходната адреса redguy.blogspot.com најнормално си функционира.

Back Online: The Internet Saga

2006-01-24T17:11:00.001+01:00

Се започна на еден во буквална смисла есенски ден. Сонцето си сјаеше со последниот блур, лисјата посеани по патот ја доловуваа атмосферата на Need For Speed: Most Wanted, птиците уште немаа појма за птичјиот грип кога... СЕ СЛУЧИ

Премиерот од ведро небо дава изјава дека „нема потреба од втор фиксен оператор“ !? Штама... Се слуша само језивиот звук на ветерот и изразот на зачудените фаци. Тишината од шокот се прекинува со афтер-изјавата „па можда има место за трет мобилен...“

Точно после една недела, МТнет на Македонски Телекомуникации, пун со самодоверба од сега веќе загарантираната монополска позиција, го ограничува интернетот на 4 ГБ и за секој нареден гигабајт бара по 6 евра. Како едниствен широкопојасен интернет провајдер на територијата на цела Македонија, со тоа го најави и влегувањето во нејзиниот информативен мрак.

Мала група на интелектуалци, знаменосци во развојот и напредокот на интернет културата, иако по самата нивна природа се тешки индивидуалци, некако се организираат да се борат против тиранијата. За чудо, успеваат да издејствуваат мала победа врз од државата заштитениот монопол и наместо да доплаќаат, добиваат опција да им се намалува брзината.

Настапува смртта за широкопојасниот интернет пристап. Следува Црниот Ноември. Пошто претпоставував дека брилијантните умови од МТнет ќе направат вакво нешто, договорот за АДСЛ ми беше склучен на неопределено време уште во 2004. На 1-ви поднесувам барање за раскинување на договорот.

После латенција од 2-3 дена, ми доаѓа „овалстено лице“ без никаков алат, да ја демонтира и да ми ја собере опремата. И пошто треба да го земе и сплитерот, а нема со што да ја преврзе телефонската линијата на тоа место, јас ефективно треба да останам и без телефонска линија. Ај викам да не се расправам многу, ќе си купам џекче и сам ќе си ја преврзам телефонската линија, а потоа ќе им ја донесам опремата таму.

Е сега, што да правам за интернет. Барам следна алтернатива – Кабловска. Стално кога ќе се јавев за поставување на кабловска, одговорот беше „моментално нема таму, ама работиме на случајот и ќе има за една или две недели“. Ова се одвиваше веќе 2 години со различни кабловски оператори кои имаа добивано концесии со текот на времето за мојата улица. Но овојпат кога се јавив, концесијата ја имаше добиено Теленет и одговорот беше дека конечно можат да постават и кај мене.

Одма резервирам термин, поставувам све кога дознавам дека само телевизиските канали се достапни, а сеуште нема интернет. Повторно се враќам во кругот на „за една, две недели“. А за да ми биде уште повеќе криво, абе само што ја поставив кабловската се укина плаќањето за приклучок.

Во меѓувреме USAID доделува помош на Македонија за да направи бежична мрежа низ цела територија и наводно да обезбеди широкопојасен интернет за сите. Без разлика дали на тендер или заради тоа што Претседателот бил близок со сопственикот на ОнНет, тие ја добиваат работата. Со ова ОнНет фактички добива мрежа низ цела Македонија, независна од Македонски Телекомуникации.

Во принцип затоа што ова се смета како помош, не би требало да се преориентирува за комерцијални цели, па затоа влгеува во игра мала мамка, наречена wifi која се поставува во исто време. Во смисла као еве ние не ја користиме таа мрежа од помошта, него си поставуваме и друга за таа цел.

И добро, си викам ај пошто опциите ми се или Dial-Up или ова WiFi-во, ќе го пробам. Барам што опрема да купам, се јавувам и во ОнНет да прашам што е боље во случај ако неам пари да фрлам за Access Point и добивам одговор USB WiFi. Најдов едно D-Link DWL 120 во Нико Компјутери за 1900 денари. Сега проблемот ми е кеш, па стапувам во контакт со моите спонзори да видам дали земале пензија (читај Баба ми).

Ја вршам размената на парите со стоката (иначе продавачот таму немаше појма дека имале такво нешто) и докупувам и продолжен USB кабел од 3 метри. Идам дома цел узбуџен како демек пак ќе се вратам на интернет, кога тоа ништо нефаќа. Едвај некои 14% и тоа ако го извадам надвор низ прозор.

Овде следуваат 3 пеколни дена од типот на Mythbusters, каде што докупувам уште 3 метри USB кабел (да USB-то работеше и со 6), правам антена од USB-то. Неработи. Следуваат низа на помалку или повеќе успешни експерименти со помош на метален тањир, тенџере, послужавник, телечанак, поклопец од столна ламба со која фатив максимум од 30%, но никако не успеав да се приклучам на мрежата.

Следно е расклопување на USB Stick-от и залемување на поголема антена директно над неговата. При тестирањето на оваа „генијална иновација“ за малку ќе ме удреше струја од 220 волти ради тоа што кога го пробував низ прозор, новата антена допре до држачот на надворешниот дел на еиркондишанот кој поради „добрата изолација“ успеал преку него да дојде во контакт со активна фаза. Тука се дешава спектакуларен огномет од USB-то придружен со звуци како рафални истрели (кога пукнаа лед сијаличките) и сцена од којотот и брзата птица итрица. Резултат: тотално изгорено и црно WiFi и уништена USB порта.

„Воодушевен“ од успехот на претходниот обид, се враќам назад на другата алернатива, Dial-Up. По бројните проблеми на враќање на стариот ISDN модем во компјутерот без слободен PCI слот, драјвери кои нон-стоп кочат и најдобар пријател им е Blue Screen Of Death, успеав некако да се вратам на интернет. Ама по која цена??? Преку ден е 3 евра за еден саат и тоа за Dial-Up. Иако морав да чекам полноќ за да можам да идам на интернет, тоа што највеќе ми беше криво е што пак морам да им плаќам на МТнет.

Иначе како капак беше и тоа што во меѓувреме Memory Stick-от на мобилниот телефон од чиста мира престана да функционира и све ми се избриша. По диагнозата: фалична картичка следеа повеќенеделни дополнителни малтретирања со идење по продавниците и сервисот на Германос и докажување дека гаранцијата всушност ја покрива и мемориската картичка, кои на крај завршија така што морав да пратам е-маил до Sony Ericsson за они после да пратат маил во дирекцијата на Германос со известување дека мемориските картички се фалични и да ми ја заменат со нова.

Конечно помина тој Црн Ноември каде деновите изминуваа толку споро како да се со брзина на неквалитетен Dial-Up интернет. Темите во врска со интернет пристапот почнаа да затапуваат. Кој се снашол со интернет – се снашол, другите се занимаваат со баналности од типот на „дали бил точен бројачот на интернет сообраќај“. (Иначе како прво, таков бројач не би требало ни да постоти!).

Почнаа маркетинг кампањи за перење на мозок со слогани „Лимитот е доволен за 80% од корисниците“, „тие останатите што користат повеќе се пирати, порно зависници, ненаситни...“ и сл. Вистината е дека токму тие „останатите“ се уствари тие што го водат прогресот. Тие на кои им се лепат такви етикети се тие кои ги буткаат работите да се движат напред, кои ги воведуваат иновациите, кои се борат за нашите права и кои се борат за слобода на информацијата.

Дојде и 2006 година, а сеуште опстојува монополот на Македонски Телекомуникации. Поради лежерноста на АЕК, агенцијата која е надлежна тоа да го спречи, МТнет ги користи своите спин-доктори да пронаоѓаат нови дупки и да ја одолговлечуваат тиранијата, луксуз кој само монопол заштитуван од државата може да си го дозволи. Пример за тоа беше наводниот договор за интерконекција кој е валиден во легална смисла, арно ама нема цени во него. Со тоа исто како да нема понуда. Иако има повеќе компании кои претендираат да бидат конкуренција на Телеком, ниедна неможе да склучи договор за интерконекција ако нема цени.

Јас све повеќе и повеќе морам да бидам на интернет поради ангажманот во Македонскиот Торрент Тракер (http://tracker-mk.mkhost.org) , а пошто сум на Dial-Up, се поголеми и поголеми сметки ми стигаат за телефон.

Почнав да барам кои други опции ги имам на располагање. Откако ОнНет ги објавија цените за бежичен интернет се јавив да прашам што-како. Бидејќи типот што одговори не знеше точно да ми објасни, оставив број да се јават.

По некој ден ми се јавија, овојпат типка од ОнНет, за да праша што конкретно ми треба и да ми каже понуда. Иначе овојпат типката си ја знаеше работата, све убаво објаснуваше и се трудеше да помогне што баш се изненадив од добрата техничка подршка.

Но кога видов што нудат, многу се разочарав. Сфатив дека интернетот од монопол се претворил во дуопол. Во превод никој нема да ги намали цените ако НЕ МОРА.

Следната понуда беше од УНЕТ. Тие исто нудат бежичен интернет со брзина од 384 kbps download и 128 kbps upload без никакви намалувања на брзината или ограничувања на трансфер (значи исто како што беше порано АДСЛ-от) за цена од 3600 денари со се ДДВ. Проблемот со нив е само што немаат уште голема територија покриено.

Пошто морав да чекам за било која понуда, бев приморан да ја земам „новата понуда“ од МТнет со која за 706 денари добиваш 100 часа на интернет, но само од 20:00 до 06:00 часот.

Неколку дена откако ја земав услугата, ми го исклучуваат телефонот во еден правец, ефективно и пристапот до интернет за кој веќе сум платил унапред.

Сега преку Bluetooth сум поврзан со мобилниот телефон и преку него на GPRS морам да сурфам на интернет. Оваа солуција ме кошта 30 денари за секој мегабајт.

Но сепак, се надевам на подобри денови. Денови каде ќе има поголема конкуренција меѓу интернет провајдерите и нивните услуги ќе бидат достапни за сите, не како привилегија туку како дел од секојдневието.

Работи кои Телеком несака да ги знаете

2005-10-09T07:48:00.001+02:00

Искрено ме изненади што толку многу луѓе немаа појма што уствари значи ограничувањето, а сега и незаконитото поскапување од страна на МТнет. Се надевам дека напорите што ги прави оваа наша мала македонска интернет заедница ќе помогне што повеќе луѓе да сфатат за што се работи. За останатите корисници, нажалост, тоа ќе го осетат дури во декември кога ќе им стигаат сметки од по 20.000 денари и ќе почне да се одразува враќањето на целокупното информатичко општество во времето кога информациите се пренесуваа преку гулаби.

Ме радува што сепак има иницијатива и што за веќе постои место каде што можете да се информирате што се случува. Тоа се сајтот http://revolucija.blogspot.com/ и http://bagra.org/adsl кои препорачливо е да ги посетите доколку не знаете што е работава. Све е таму убаво и јасно напишано, како и што треба да направите ако неодамна сте склучиле договор на 2 години.

Несакам да дозволам било кој да ве лаже и манипулира, да ве убедива што колку кошта, па со здрав разум да почнете да си викате „па можда стварно е доволен лимитот, можда стварно толку скапо кошта интернетов, кузнае колку кошта backbone на итнернет...“ и затоа како за споредбата ќе ги искористиме цените на ADSL пакетите во соседните земји, а и земјите низ светот:

(Сите цени што ќе ги видите се за еднаков 384 Kbps или подобар пакет и секако се подразбира дека се неограничени)

Цени за АДСЛ во Србија (во сите цени е врачунат ДДВ и се во Македонски Денари):

1. VeratNet

512Кbps download / 128Кbps upload
Динамичка IP адреса
Веб Хостирање и простор од 5 MB
E-mail 10 MB
1800 МКД месечно

2. YUBC System

512Kbps download / 128Kbps upload
Динамичка IP адреса
E-mail 100 MB
Бесплатно користење на ADSL модем и сплитер
2400 МКД месечно

3. SezamPro

512Kbps download / 128Kbps upload
Динамичка IP адреса
3 E-mail адреси
50 SMS поркаи
Бесплатно користење на ADSL модем и сплитер
2700 МКД месечно

4. BitsyuNet

512Kbps download / 128Kbps upload
Unix Веб Хостирање и бесплатна регистрација на .yu domain
10 E-mail адреси
2800 МКД месечно

5. Beocity

512Kbps download / 128Kbps upload
1800 МКД месечно

6. BeotelNet

512Kbps download / 128Kbps upload
Динамичка IP адреса
E-mail адреса
Бесплатно користење на ADSL модем и сплитер
2100 МКД месечно

Цени за АДСЛ во Грција:

1. OTE

512Kbps download / 128Kbps upload
1200 МКД месечно

2. Vivodi

512Kbps download / 128Kbps upload
1200 МКД месечно

Цени за АДСЛ во Бугарија:

1. БТК

512Kbps download / 128Kbps upload
Статична IP адреса
40 E-mail адреси
Нема ограничување на бројот на корисници на една линија
Бесплатна регистрација на domain
Бесплатно користење на ADSL модем и сплитер
2700 МКД месечно

2. Bol.bg - не е ADSL, ама е најбољи провајдер

10 Mbps download во Бугарија
512 Кbps download / 128Kbps upload за надвор
1900 МКД месечно (за преку кабловски е 1200 МКД)
Благодарение на овој провајдер, Dial-Up конекцијата во цела бугарија е БЕСПЛАТНА (http://www.bol.bg/free/)

Цени за АДСЛ во Холандија:

1. Kpn

800Kbps download / 256Kbps upload
E-mail адресa
Нема ограничување на бројот на корисници на една линија
Бесплатен Multi-PC ADSL модем
1800 МКД месечно

2. Tiscali

992Kbps download / 320Kbps upload
E-mail адресa
Бесплатен ADSL модем
600 МКД месечно

3. CompuServe

2048Kbps download / 830Kbps upload
E-mail адресa
Бесплатен ADSL модем
1200 МКД месечно

Цени за АДСЛ во Франција:

1. Cegetel

ADSL 2 - 20Mbps download / 1Mbps Upload
TV Програми
Бесплатни неограничени разговори во цела Франција
900 МКД Месечно

2. Club-Internet

ADSL 2 - 20Mbps download / 1Mbps Upload
Бесплатни неограничени разговори во цела Франција
600 МКД Месечно

3. Freebox

ADSL 2 - 20Mbps download / 1Mbps Upload
200 TV Програми (Canal+ и CanalSAT)
Бесплатни неограничени разговори во цела Франција
1800 МКД Месечно

Цени за АДСЛ во Велика Британија:

1. Bethere

512Kbps download / 128 upload
8 Статични IP адреси
25 E-mail адреси
Web hosting со 750 MB web простор
1 бесплатен domain
2000 МКД Месечно

3. Е7

512Kbps download / 128 upload
Неограничено E-mail Адреси
Web hosting со 50 MB web простор
Бесплатна регистрација и хостирање на domain
SMS нотификации
Dial-Up Back Service
900 МКД Месечно

Цени за АДСЛ во Унгарија:

1. Invitel

512Kbps download / 96 upload
6 E-mail Адреси
Web hosting со 25 MB web простор
Бесплатна Инсталација
2000 МКД Месечно

2. Т-Online или Matav, сопственикот на MTnet

512Kbps download / 96 upload
E-mail Адресa
Web hosting со 10 MB web простор
Бесплатна Инсталација
800 МКД Месечно

Епа еве за ориентација како се движат цените за ADSL во вистинскиот свет. Ако ништо друго, Македонски Телекомуникации може да го следи примерот за цените поставен од Матав пошто и така од нив го зима интернетот. Направете traceroute и ќе видите дека линкот прво ви иде преку Унгарија.

Е сега еве како се движат цените кај нас:

1. МТнет

384Kbps download / 128Kbps upload
4GB ограничување + 175 МКД + 18% ддв за секои наредни 512 MB
1 Е-mail адреса
1 Динамичка IP адреса
10 SMS пораки

Сега ќе пресметаме колку ќе кошта за да биде неограничен интернет. Пошто МТнет го рачуна и download и upload, ефективно наплаќа како да има 512Kbps. Теоретски со таа брзина може да се симнат 64 KB во секунда (правите разлика меѓу Kb-килобита и KB-килобајти). Значи 64 КБ во секунда помножено со 3600 секунди што ги има еден саат и тоа помножено со 720 саати што ги има еден месец, се добива околу 160 GB месечно. Ако плаќате 413 денари за секој GB, тоа значи дека на крајот на месецот ќе платите 66080 денари плус 2400 денари за претплатата или вкупно све 68480 денари - околу 1100 Евра.

68480 МКД Месечно

2. Он.нет Кабелски

512Kbps download / 64Kbps upload
На 3 GB се ограничува p2p, на 6 GB се намалува брзината на 64Kbps
1500 МКД Месечно

3. Oн.нет Бежичен

Најголемото разочарување е OnNet. Сите се надевавме дека он е од наша страна и се надевавме дека ќе направи нешто али сега си го покажа вистинското лице дека само сака да ја искористи оваа наша ситуација и да се приклучи во масакрирањето. Го спроведува истиот тирански метод на наплаќање на МТнет. Дури и лимитот им е 4 GB. Над овие секои 100 МБ се наплаќаат 100 денари. Ова е дури поскапо и од самиот МТнет. Само претплатата кошта 1800 МКД Месечно.

4. МОЛ Кабелски

МОЛ одамна више не го сметам за сериозен, единствен провајдер кој нема никакви информации на сајтот. Единствено што знам е дека има некој си пакет од 128Kbps за 1000 МКД месечно, али нит пишува за ограничувања, ниту за upload ниту за стабилност.

5. Теленет Кабелски

Наводно веќе не соработуваат ни со Оннет ни со МОЛ него сами си зимаат интернет (баш ме интересира дали иде преку МТнет). Во последниве денови добиле неворојатни побарувања за приклучоци така да незнам дали уште воопшто им функционра интернетот.

512Kbps download / 64Kbps upload
на 4 GB (бројкава станува заразна) го ограничуваат наводно на 256Kbps.

Ако случајно ве интересира колку интернет провајдерите плаќаат на големите backbone провајдери, еве го ценовникот:
За една линија од 1.5Mbps download и upload, попозната како Т1 се плаќа од 500 до 1000 долари месечно во зависност од провајдерот.
За линија од 45Mbps download и upload, се плаќа од 3000 до 4000 долари.

МТнет има 2 линии по 34 Mbps до Матав и неплаќа ВКУПНО за интернет повеќе од 8000 долари месечно. 8000 долари месечно ЗА ЦЕЛА МАКЕДОНИЈА. Само профитот од околу 6000 АДСЛ корисници му донесува годишно околу 3.600.000 долари (пред поскапувањето) и тоа рачунато ако сите имаат договор на 2 години, да не праиме муабет ако плаќаат 3600 без договор или за поскапите пакети што ги користат интернет кафеата. Тука исто не спаѓаат и 6-те Mbps што ОНнет ги зема преку нив.

Се надевам дека ова разјасни колку што кошта и колку не прават будали. Али не е сета вина во нив, тука демнеат во сенка и оние што им дале да бидат монопол и што им дозволиле да не доведат во ваква ситуација. Не помалку крива е и мизерната конкуренција од ОНнет и другите т.н. провајдери, која наместо да помогне, таа прави сојуз со МТнет.

Ај аирлија, МТнет ни го ограничија интернетот на 4 GB

2005-09-24T18:51:00.001+02:00

Случајно си сурфам на интернет и ја посетувам страната на МТнет коа глеам едно ново убаво банерче у црвена боја (тоа иначе ја претставува крвавата неуспешна побуна на македонските интернет корисници) промовирајќи го новиот Max Start ADSL пакет. И таман си реков: „Еј им дошло памет ќе ја биде работава“, коа гледам одоздола 512 MB ограничување:((((( Брже-боље кликам на банерчето да видам што се случило со „Max ADSL“ пакетот, и боље да не кликнев. Го ограничиле на 4GB!!!. Цената нормално си останува иста (за мене 3600 денари со ДДВ месечно пошо сум на неодреден договор). Ако фино лепо поделиш 3600 со 4096 ќе видиш колку те кошта секој мегабајт! 60 Евра за неполно DVD. Најс. Уште малце па поефтино ќе ми дојде да си сурфам преку мобилен.

А ја па уште си се лажам сам себе и си давам лажна надеж у смисла „Ај можда само така си стои, можда нема да го ограничат“, па се јавувам у МТнет и таму многу културно ми објаснија дека ограничувањето ќе се применува, и тоа не од октомври туку од веднаш. Него ги мрзеше ли да не обавестат за промената по е-маил или слично?

Иначе пратив претходно е-маил и до Матав за каква ни е ситуацијава овде, али нив очигледно уво не ги боли. А зошо и да ги боли? Си купле златно рудниче, рудничето добива ишарет дека минимум уште година дена ќе си биде монополче, си поскапува ценички, зашто не би им одговарало?!

Ај да видам кај нив дали може да пројдат со овие цени. Кај нив најслабиот пакет (кој се вика ADSL Start, хмм... од кај ли ми е познато имево..) е 512 kbps, нормално без никаков лимит, и згора на тоа добиваш и хостирање на веб страна со веб простор од 10 мегабајти, е-маил адреса со 50 мегабајти и сето тоа за неверојатна цена од 12 EURO. Се чуствувам како на телешоп...

Епа тоа е тоа, сега ми преостанува да си се тешам што не сум потпишал договор на две години, да идам во МТнет и да го раскинам договорот. А после тоа или да се навикнам да живеам без интернет, што во овој стадиум би било како да се навикнувам да живеам без струја (а ништо чудно наскоро да треба и на тоа да се навикнувам, ко ќе го продадат ЕСМ) или да одам во мојата омилена просторија за размислување такозвана Венеција (скратено WC) и повторно да го пронаоѓам тркалото, како човекот да се поврзе на интернет.

BLOG SPAM

2005-08-14T03:48:00.001+02:00

Добро бе зарем и до овде дојдоа, да ти пуштаат SPAM во вид на коментари на блог. Сигурно веќе си знаете што е тоа SPAM пошо е баајги популаризиран терминот, а плус се среќавате со него секојдневно.Сепак за оние што незнаат, тоа се несакани (непорачани или непобарани) пораки кои најчесто ти ги праќаат на e-mail, па мораш да гњуриш во нив дур да си ги најдеш вистинските мејлови. Оргиналната дефиниција е „Unsolicited e-mail, often of a commercial nature, sent indiscriminately to multiple mailing lists, individuals, or newsgroups; junk e-mail.“

Си го проверувам јас така сајтот и таман се израдував некој ми оставил коментар, коа гледам – што да видам... Епа више не се ограничени да ти стигаат само на e-mail, него сеа им текнало да ти пуштаат SPAM и како коментар на твојот блог. Тука може да се види среќниот добитник, ако некого го интересира.

Али иако ова е прилично нова ствар (барем за мене), сепак има и некои што веќе нашле начини како да се борат против BLOG SPAMMING. Еве два сајтoви што ги најдов кои можат да им помогнат на сегашните или да ги заштитат идните жртви на овој вид на тероризам:

http://www.blogspam.org/

http://www.markcarey.com/spamdb/

Е против вакви работи треба да се бори и да се вложуваат средства, а не водени од алчноста за профит, наместо борба против ваквиот тероризам приоритет е некоја банална работа како т.н. „борба против пиратерија“.

Мац мац

2005-07-16T02:39:00.001+02:00

Да си го претставам, топ моделот на фотосот е моето маче, тако звано Мац или у некои случаеви се одзива и на „дојди да ти даам да јадеш“.

Иначе фотографијата е од типот „пред“, пошто у меѓувреме и дојде период на ... удварање, кај што цело време се мазеше и така елегантно ја прикажуваше позадината ако некој и се присвиѓа. Па ај некако и пројде тој период, па почна да и се зголемува стомачето. После детално обзервирање, анализирање и консултирање со врвни стручњаци, се дојде до заклучок дека можеби си носи празнична килажа пошо се испоредија празници, а и јас и давам често да јаде. Арно ама како поминуваа деновите, се појави уште една нова теорија која се испостави дека е точна кога се дојде до некои најнови откритија...

... имено се прибирам ја дома и што да видам, мачето ми се омачило.

Да, тие трите што изгледаат као глувчиња е всушност како изгледаат мачињата штотуку породени.

Овде можете да ги видите моделите во позата „It's A Cats Life“

Истите во приспивна варијанта

Интересна работа како животниве све си знаат инстиктивно што треба да прават или барем мене така ми изгледа.

Иначе се едно маче и две мачорчиња (мислам). Сеуште не сум размислувал за давање, али ако некој сака маченце, нека ме има у памет.

А имаше и уште една мачка која се врткаше наоколу и кога и да се видеа, стално се степуваа. Е тоа коа се тепаат е исто ко на цртанине: се тракалаат у клопче, само облаче се гледа и чат-пат по некоја рака или нога. Па трчај надвор по гаќи да ја бркам другата мачка...

Сега мајката си е со нив, си ги чува и ги пази. Чудно ми е, моето мало маче сега има нејзини мачиња... како брзо тече животов еј...

Dođi na morski greben, tamo ću da te jeeee...

2005-07-05T15:51:00.001+02:00

Деновиве се погоди да ги поминам у „славење“ и имаше една песна од дугачкиот репертоар која ми остави впечаток и која ќе ја најдете на „Повеќе...“ заедно со текстот.

Песната е овде, а еве го и текстот у оргинален формат:

Dođi na morski greben,

tamo ću da te jeeee...dnom,

tamo ću da te jednom,

dragana poljubim ja.

Ako mi došla nebi,

onda se sama jeeee...dnom,

onda se sama jednom,

u moru okupaj ti.

Dođi na morsku zvizdu,

da ti pocepam piiii...sma,

da ti pocepam pisma,

koja sam pisao ja.

Ako mi došla nebi,
onda se sama jeeee...dnom,
onda se sama jednom,
u moru okupaj ti.

Dođi na morski štulac,

da ti pokažem kuuuu...ću,

da ti pokažem kuću,

gde sam se rodio ja.

Ako mi došla nebi,

onda se sama jeeee...dnom,

onda se sama jednom,

u moru okupaj ti.

Izašla je morska zvizda,

strada će tvoja piiii...sma,

strada će tvoja pisma,

koja sam pisao ja.

Ako mi došla nebi,
onda se sama jeeee...dnom,
onda se sama jednom,
u moru okupaj ti.

Се надевам дека песнава барем малце успеа да ја долови атмосферата

Апдејт 2007.07.30:

Пошто EvilShare почнаа многу често да ги бришат фајловите, сега барам нов примарен фајл хостинг.

Да видиме кој од овие најдолго ќе издржи:

Mediafire:
http://www.mediafire.com/?9d82jndunzc

Divshare:
http://www.divshare.com/download/1407234-d78

File2Upload:
http://file2upload.net/download/19136/Dodji%20Na%20Morski%20Greben.mp3.html

YouShare:
http://www.youshare.com/view.php?file=DodjiNaMorskiGreben.mp3

Manga Кукла

2005-06-21T00:18:00.001+02:00

Јапонска анимација у најбоље издање. Нема што да објаснувам многу, ако Ве интересира ова (па уште прашувам), кликнете на „Повеќе...“. Цена 585 килобајти.

Добра е, а?

Епа има уште...

Кукличка број 2
Кукличка број 3
Кукличка број 4
Кукличка број 5
Кукличка број 6
Кукличка број 7
Кукличка број 8
Кукличка број 9

Ај да не бидат све кукли, еве и една вистинска :)

Sven Bomwollen 004 XXL

2005-06-04T08:26:00.000+02:00

A Special Gift to all the visitors from Taiwan, the latest game of the Sven Bomwollen series:

SVEN 004 XXL (2007.09.23: Links Updated)

And also the original classic that started it all:

Sven Bomwollen

Hope you like it. More can be found HERE.

You can also download them via BitTorrent from

http://www.tracker-mk.org

P.S. To download via BitTorrent, you're going to need a client like uTorrent that can be found HERE.

Што се дешава со игрициве денес???

2005-05-30T02:08:00.001+02:00

Во последно (баајги) време тешко некоја игрица да може да ме воодушеви. Покрај милион игри кои искачаат на пазарот со единствена цел да отстварат најмногу профит, а со никаква креативност и идеа, навистина те тера да ги цениш оние ретки игри што имаат „душа“.

Можда мене така ми се чини, али игрициве порано беа многу бољи. Јес да можда немаа таква графика како денес (звук горе-доле), ама барем не бараа и GeForce 6 со 256 мб, процесор над 3 гига-херци и еден гигабајт рам само за да идат „течно“ на фул сетингс. Како да служат само за реклама за нов хардвер. А за гејмплеј и иновација, да не праиме муабет.

Ко ќе ми текне само колку време сум уживал со авантурите кои ги имаше во изобилство, претежно од Lucas Arts како што беа Indiana Jones and The Fate Of Atlantis, Monkey Island, Grim Fandango или Full Throttle кои кога ќе ги завршиш се чувствуваш исполнет и побогат за едно прекрасно искуство.

Па игри за кои малкумина слушнале како Titanic: Adventure Out Of Time, Jagged Alliance: Deadly Games и Team F1 за која на времето морав да платам 900 денари за да ми ја снимат у Ривер Софт (Толку зимаа за снимање порано, па чекаш со денови додека биде готова…). Или пак оние игрицине како A Fork In The Tale од типот на American Laser Games што беа цели филмувани, каде што се утепале снимајки за една сцена по сто различни исходи. Ја заборавив и Red Alert кецот како нешто што засекогаш ја измени Real-Time Strategy (RTS) сцената, Capitalism II, HardWar и кузнае уште колку други во различни жанрови.

Сега некако све е клише, веќе видено, слушнато, играно. Мислат дека ако само додадат Matrix движење и ќе биде кул, ама и тоа веќе не е интересно. Знаеш што те очекува кога ќе земеш некоја нова игрица. Па ко ќе лупнат некоја „copy protection” од типот на StarForce 3 (a.k.a. StarFuck 3) што е како вирус и ти инсталира безвезни драјвери што ти го заебуваат компјутерот, уште повеќе додаваат сол на раната.

Но да не испадне дека сум песимиста, дошол крај на светот и универзумот ќе емплодира, секоја чест на исклучоците. Всушност еден од тие исклучоци е и причината што ме инспирира да го напишам овој пост, а тоа е Cossacks 2: Napoleonic Wars. Дефинитивно ме воодушеви во секој можен аспект. И во графика, и во гејмплеј и во тоа што не сецка многу ни на мојот копмјутер. Можда нема некоја посебна иновација како Darwinia, али дефинитивно е достојна на првиот дел. Нема сега да зеам да преведувам од збор до збор некој странски review за играва како што е тоа обичај да прават кај нас, него директно ке Ви ги дадам линковите ако Ве интересира што игра е. Линк од IC-Games, 3D Avenue, Gamers Hell и Cossacks 2.

Како и да е, браво за креаторите. Во денешно време реткост се добри игри, игри што имаат „душа“, што те тераат да ги доиграш до крај и на крајот не те оставаат со празнина, да се прашуваш зашто си се трудел да ги завршиш. Само со вакви исклучоци може да има надеж гејмерската сцена да се врати од „The Dark Side“ и да се трасира на вистинската патека.

Читај Македонски! HTML верзија...

2005-05-25T23:23:00.001+02:00

Пошо ветив дека ќе го постирам хтмл кодот за тие што ќе сакаат да ја стават листата и на нивниот сајт, да не се мучат да пишуваат ручно, еве го во зипуван ноутпад формат . Десен клик и save as НЕ работи поради правилата на тој серверот. Ќе мора да кликнете на линкот.

Тоа што ќе треба да се „рчка у тоа темплејтот“ (Copyright LaLa, please don't sue me) го напишав во фајловчето што го симнавте. Ако има нешто нејасно, комент плис.