Лошите си прават монополи, а добрите се затвораат: A Robin Hood Story

Линкот од Он.нет се однесува на коментарот во врска со АДСЛ-от од пред некој ден кој може да го најдете подоле. Сите страни споменати тука се засебни компании и немаат никаква поврзаност со тоа што се пишива на овој блог.

Последниве денови се црни за сите нас, бидејки се уништуваат добрите работи додека лошите стануваат се појаки. Пред неколку дена го затворија еден од најголемите БитТоррент сајтови, СупрНова. (За тие што незнаат што е тоа и како функционира БитТоррент протоколот, повеќе информации ќе најдат ОВДЕ).

На овој сајт можеше да се најде цела библиотека на торренти за која милиони луѓе контрибуираа. Им даваше можност на луѓето од цел свет да можат да разменуваат игри, филмови, програми и сите нив ги поврзуваше, потенцирајки ја вистинската причина за која постои Интернетот и неговата основна одлика – се тоа да е бесплатно. Нажалост, сево ова е уништено благодарение на корпорации како што е MPAA (The Motion Picture Ass. of America – значи Umbrella Corporation од филмот Resident Evil сепак не била само фикција) и сличните на нејзе кои единствени „вработени“ им се стотиците адвокати преку кои го злоупотребуваат правниот систем за да исцедат пари од луѓето - Hallooo Sheriff Of Nothingham. Па ај барем да немаат пари, ќе разберам. Али овде станува збор за копмании кои имаат мулти-билионски профити.

Освен SuprNova, затворија и неколку други големи БитТоррент сајтови меѓу кои Youceff Torrents и Phoneix Torrents. Ни eDonkey2000 индекс серверите како ShareConnector, Releases4U, FinReactor, ed2k-it и AC3-GURU не беа поштедени.

Освен сајтови, ги затвараат и луѓето кои ни овозможија бесплатно да ги гледаме сателитските канали кодирани во SECA 2.

Овој тренд на затворање, тужење стотици илјади (буквално цели градови) и репресија продолжува од страна на „злите корпорации“ и потсеќа на нешто што у среден век го викале „инквизиција“

Дури ни Македонија не е поштедена од ваквите. И кај нас се наоѓа по некоја С.В.РСА која иде од врата до врата да ги собере „пиратските копии“ за да ти направи рекет да идеш у кино и да дадеш двестотки само за да гледаш некој филм. Или пак да те принуди да купиш „оргинал“ кој кошта „САМО“ 10% - 20% од просечната месечна плата. Ко божем на Анџелина Џоли и испотребале нашите пари. Ситниш.

Да не праиме уопште муабет ако, не дај боже, софтвер или игрица ти притреба... Ќе мора одма кредит да земаш, па после да го отплаќаш едно 3 години.

Искрено речено, „пиратството“ кај нас дефинитивно направило многу повеќе добро отколку зло. Да бидеме реални. Да не беше тоа, ни јас немаше да го пишував текстов, а ни Вие немаше да можете да го читате. Пошо како прво ќе си немавме појма од компјутери, од игрици уште ќе игравме џамлии (без навреда на хард-кор фановите на оваа игра), а оперативни системи, офиси и такви ствари ќе ни беа шпанско село.

Друга работа е што „пиратството“ придонесува за намалување на невработеноста. Некои луѓе единствено од него си го вадат лебот да си ги прехранат фамилиите и да преживеат. Секако, има и други што сакаат да се збогатат од тоа. Тие веќе не се „пирати“ туку „крлежи“ и спаѓаат во иста кошница како и горните корпорации.

Но постојат и луѓе кои навистина сакаат да му помогнат на човештвото. Луѓе кои се борат за подобра индина и не го прават тоа за профит. Луѓе кои сфатиле дека за развитокот и иднината, информациите мораат да бидат достапни за сите. Тоа се тие „пирати“ кои „зимаат од богатите за да им дадат на сиромашните“ (Макар да во овој случај богатите ништо не губат), кои го рискираат својот живот за сите нас кои немаме плати од по 4000 ЕВРА да можеме и ние да ги користиме оние работи кои всушност треба да бидат достапни за сите, но поради алчноста не се.

Навистина им се восхитувам на тие луѓе и за мене тие не се „пирати“, туку име што многу повеќе им одговара и доликува на тоа што го прават за сите нас е „Робин Худ“ и овој текст им го посветувам на нив. Фала за се што направивте и се надевам дека никогаш нема да успеат да ве уништат.